Name: Piknik Për Ditën e Verës
Start: 2026-03-15T12:00:00-04:00
Location: Eagle Lake Park

$Piknik P\u00ebr Dit\u00ebn e Ver\u00ebs$

DITA E VERËS: Më shumë se një Festë, një Trashëgimi Pagane që i mbijetoi Shekujve 🌸🇦🇱
Për shumë njerëz, 14 Marsi është thjesht një datë në kalendar. Por për ne shqiptarët, kjo ditë është një "portal" që na lidh me rrënjët tona më të lashta pellazgo-ilire.
NJË ZHURMË QË VJEN NGA LASHTËSIA:
Dita e Verës nuk është një festë fetare. Ajo i ka rrënjët në paganizëm, shumë përpara se krishterimi apo islami të mbërrinin në Ballkan. Sipas gojëdhënave, kjo festë i kushtohej Zanës së Çermenikës, perëndeshës së gjuetisë, pyjeve, dhe natyrës, e cila besohej se dilte nga tempulli i saj më 14 mars për të lajmëruar ardhjen e pranverës.
FAKTE DHE KURIOZITETE:
- Elbasani, "Kryeqyteti" i Verës:
Edhe pse festohet kudo, Elbasani është zemra e kësaj tradite. Qyteti i luleve e ka ruajtur këtë festë me fanatizëm edhe kur festat e tjera ishin të ndaluara.
- Verorja – "GPS-i" i Dallëndysheve:
Verorja (peri i kuq dhe i bardhë) nuk hiqet kur të duam ne. Ajo hiqet vetëm kur shohim dallëndyshen e parë ose kur shohim një pemë që ka lulëzuar. Më pas, ajo vendoset në degën e pemës që zogu ta marrë për të ndërtuar folenë, duke na lënë pas mbarësinë.
- Hiri i Zjarrit:
Dikur, në mbrëmjen e 13 marsit, ndizeshin zjarre të mëdha për të djegur "të ligat" e vitit që shkoi. Hiri i zjarrit shpërndahej në kopshte si simbol i pjellorisë dhe begatisë.
- Kush zgjohet i pari?
Tradita thotë se njerëzit duhet të zgjohen herët në mëngjes, të lajnë sytë me ujë lulesh dhe të dalin në natyrë. Kush zgjohet i pari, besohet se do të ketë fatin me vete gjatë gjithë vitit.
- Viti i ri:
Festohej me 1 mars të kalendarit Julian, (sipas kalendarit të sotëm Gregorian, 14 mars). Ajo ishte një festë mbarëshqiptare, që kremtohej si në Veri edhe në Jug, por me nuanca të ndryshme, sipas krahinave.
- Rituali i Ditës së Verës, katër fazat e festës:
1. Faza e parë është faza përgatitore qe nis me grumbullimin e zaireve që janë të nevojshme për Ditën e Verës.
2. Faza e dytë është nata e Verës që nis me 13 mars me zjarrin.
3. Faza e tretë mëngjesi i Ditës së Verës që nis me 14 mars, dhe
4. Së fundi, pikniku i Ditës së Verës në mesditën e 14 marsit.

FESTOJMË SË BASHKU NË CLEARWATER!
Në një vend si Florida, ku kulturat përzihen çdo ditë, ruajtja e Ditës së Verës është një akt identiteti. Për ta festuar ashtu siç e kërkon tradita, me bashkim, biseda e gëzim, jeni të ftuar të gjithë në një Piknik Komunitar!
📍 Ku: Eagle Lake Park, Shelter 2 https://maps.app.goo.gl/xidqJtwGgMYju7dZ9
📅 Kur: E diel, 15 Mars
🕒 Ora: 12:00
Merrni me vete ballokumet, veroret, dhe mbi të gjitha, energjinë e mirë shqiptare! Le t’u tregojmë fëmijëve tanë bukurinë e rrënjëve tona nën hijen e pishave dhe liqenit të Eagle Lake.
Falenderojmë Ana's Bakery për mbështetjen e këtij aktiviteti që na mbledh si një familje të madhe.
Shihemi atje! 🇦🇱☀️