Advertisement
Pretoria, Mel die Storieverteller bring haar splinternuwe vertoning, INTERNET SENSASIE, na die Fairtree Atterbury Teater! In die regte lewe is Mel die Storieverteller ‘n komediant en katliefhebber, maar in ‘n ander dimensie – die een binne ons fone – is sy ‘n Afrikaanse internet sensasie.
In haar derde stand up comedy show, Internet Sensasie, verklap Mel UITEINDELIK wat sy rérig dink van hierdie elektroniese oerwoud vol honger leeus, ywerige flaminke en ontaktvolle (sw)ape.
Mel vertel van die tannie langsaan se ongesonde obsessie met TikTok en likes, die een influencer wat haar thrifted broek bo hou met ‘n skoenveter en Oom Gert se groot fout op die gemeenskap se Facebook blad. Soos gewoonlik het Mel se stories ‘n klomp draaie – jy dink jy is op pad na die einde dan swaai sy skerp links en gooi jou met ‘n onverwagse staaltjie oor haar man se nuwe slaaptyd bykomstigheid.
Gehoorlede kan interessante stories (snaaks), danspassies (nie so snaaks) en ‘n lied of twee (ag, sy probeer) verwag. Daar is plek vir baie lag en spasie om te dink aan jou eie foon maniere.
“Mel laat jou tuis voel. Jy WIL luister wat sy sê. En dan lag jy boonop baie.” – Margit Meyer-Rödenbeck.
“Vars, oorspronklik en vrek snaaks.” – Pretoria FM.
Vertoning duur: 80 minute (Geen pouse)
Styl: Komiese Storievertelstyl
Ouderdomsbeperking: Geen onder 14’s
Teks: Mel die Storieverteller
Musiek: Peach van Pletzen
Dekor: Imile Wepener
Daar is gehoorinteraksie, net die ‘braaf’ sit in die voorste twee rye.
Venue: Fairtree Atterbury Teater
Adres: 4 Daventry St, Lynnwood Manor, Pretoria, 0081
Foyer Deure Open: 18h00
Teater Deure Open: 18h40
Vertoning Begin: 19h00
Kaartjies beskikbaar by:
https://www.seatme.co.za/tc-events/mel-die-storieverteller-internet-sensasie-2/
Advertisement
Event Venue & Nearby Stays
Cnr Of Lynnwood Rd And Daventry St, 0081 Lynnwood, South Africa, Pretoria, South Africa
Tickets
