Name: Líffræðileg fjölbreytni og staða Íslands
Start: 2026-05-22T13:00:00+00:00
End: 2026-05-22T14:30:00+00:00
Location: Askja - Náttúrufræðahús

$L\u00edffr\u00e6\u00f0ileg fj\u00f6lbreytni og sta\u00f0a \u00cdslands$

Viðburðurinn Líffræðileg fjölbreytni og staða Íslands verður haldinn 22. maí kl. 13-14:30 í sal N-132 í Öskju, Háskóla Íslands. Á viðburðinum munum við kafa ofan í stefnu Íslands um líffræðilega fjölbreytni og yfirstandandi verkefni sem miða að því að vernda líffræðilega fjölbreytni. Viðburðurinn verður bæði á íslensku og ensku. Viðburðurinn er haldinn í samstarfi Biodice, umhverfis-, orku- og loftslagsráðuneytis og Náttúruminjasafns Íslands.
Dagskrá
13:00-13:10 - Opnun viðburðar af Skúla Skúlasyni, formanni Biodice
13:10-13:30 - Kynning á stefnu og aðgerðaáætlun stjórnvalda um líffræðilega fjölbreytni, Steinar Kaldal, sérfræðingur á skrifstofu náttúru og minjaverndar, umhverfis-, orku- og loftslagsráðuneytinu
13:30-13:50 - Hvernig metum við líffræðilega fjölbreytni? Samráð til mótunar aðferðafræði sem hentar íslenskum vistkerfum, Guðrún Óskarsdóttir, Náttúrustofu Austurlands
13:50-14:10 - Do we have solutions to protect biodiversity while exploiting the ocean? - The BioProtect Marine Planner, Christophe Pampoulie, Hafrannsóknastofnun
14:10-14:30 - Almennar umræður
Líffræðileg fjölbreytni vísar til fjölbreytni meðal lífvera í margbreytilegu umhverfi, þar með töldum vistkerfum á landi, í sjó og vötnum, og þau vistfræðilegu kerfi sem þær eru hluti af. Þetta nær til fjölbreytni innan tegunda, milli tegunda og meðal vistkerfa. Líffræðileg fjölbreytni er forsenda heilbrigðra vistkerfa sem eru undirstaða lífkerfa jarðar og þar með samfélaga mannsins. Hnignun líffræðilegrar fjölbreytni er eitt af stærstu viðfangsefnum samtímans og er nátengd öðrum viðfangsefnum s.s. loftslagsmálum, sjálfbærri þróun og mengun.
Þann 22. maí ár hvert er alþjóðlegur dagur líffræðilegrar fjölbreytni haldinn til að minnast þess þegar Samningur Sameinuðu þjóðanna um líffræðilega fjölbreytni var undirritaður í Ríó 1992. Í ár er þema dagsins "staðbundnar aðgerðir fyrir hnattræn áhrif". Í tilefni 100 ára afmælis David Attenborough þá er viðburðurinn tileinkaður honum.
Frítt inn og öll velkomin!