Advertisement
Mánudaginn 25. nóvember bjóða Kristín Bára & Salvör upp á Kyrrðarkvöld í Yoga Shala ReykjavíkÁsetningur kvöldsins er að upplifa hugarró, djúpa kyrrð & áreynslulausa streitulosun. Að falla frá hugsunum & gjörðum yfir í að finna & upplifa.
Með blöndu af Yin Yoga, Yoga Nidra & Tónheilun leiða þær okkur í ferðalag þar sem við hlúum að sál & líkama, virkjum slakandi hluta taugakerfisins.
Salvör notast við tól Yin Yoga fræðanna þar sem við hægjum á huga, anda og líkama með djúpum teygjum. Haldið er hverri stöðu í lengri tíma til þess að nálgast seftaugakerfið, bandvefinn og tilfinningarlíkamann.
Kristín Bára notast við ævaforna hugleiðslutækni sem hefur kraft til að taka okkur inn í djúpa slökun. Við förum inn í kyrrðina handan hugans þar sem endurheimt á sér stað.
Ekkert kyrrðarkvöld er fullkomnað án tónheilunar sem snertir alla okkar tilvist, alveg niður í smæstu frumur. Hugurinn gefur eftir, ónæmiskerfið styrkist & streitan minnkar.
Fátt er betra en að leyfa sér að sleppa takinu á væntingum hugans & líða inn í djúpa slökun.
Athugið að fjöldi þátttakenda er takmarkaður.
Helstu upplýsingar:
DAGSETNING: Mánudagurinn 25. nóvember 2024
TÍMASETNING: kl. 17:30-19:30 (120 min)
HVAR: Yoga Shala Reykjavík, Skeifunni 7
ALMENNT VERÐ: 7.900 kr.
SKRÁNING: https://repeat.is/repeat_checkout/933ef75d-1e58-47cd-85f5-f526442e3146/?products.0.uuid=791b0864-d789-45fc-88c0-20aad82fcf52&products.0.quantity=1¤cy=ISK&language=is
Allar fyrirspurnir eru velkomnar á [email protected] og/eða [email protected]
Kristín Bára er menntaður hjúkrunarfræðingur frá Háskóla Íslands & hefur starfað við það á ýmsum vettvangi. Fór í sinn fyrsta jógatíma árið 2008 & iðkað reglulega síðan. Hún hefur sótt sér ýmis réttindi en helst ber að nefna kennararéttindi í Yoga Nidra & Yoga Nidra Advanced undir leiðsögn Kamini Desai. Í auknum mæli hefur hún innleitt hin ýmsu hljóðfæri eins og Gong & Kristalsskálar inn í sína tíma & viðburði, sem að hennar mati dýpkar ferðalagið inn á við. Síðastliðið sumar lauk hún svo eins árs námi í Compassionate Inquiry á vegum Dr. Gabor Maté & Sat Dharam Kaur sem hefur átt hug hennar síðan, í lífi & starfi.
Salvör Davíðsdóttir hefur iðkað og lifað eftir heimspeki yogafræðanna í um 9 ár og kennt yoga síðustu 6 árin. Ásamt því að leiða opna tíma, námskeið, viðburði og yin yoga kennaranám á fleiri stöðum hefur hún lagt einstaka áherslu á að vera ávallt nemandi af og á dýnunni.
Með reglulegri iðkun og reynslu hefur skilningur hennar á yoga og tilgangi þess dýpkað, ásetningur hennar er að lifa eftir ákveðnum lífsgildum bæði á og af mottunni með því að hlúa jafnt að andlegri, líkamlegri og sálrænni heilsu.
Advertisement
Event Venue & Nearby Stays
Yoga Shala Reykjavík, Skeifan 7, 108 Reykjavíkurborg, Ísland,Reykjavík, Iceland
