Advertisement
---Skráning á ráðstefnuna er nauðsynleg, hvort sem þátttakendur mæta á staðinn eða fylgjast með í streymi---Ráðstefna um kyrkingartak fer fram á vegum lagadeildar Háskólans í Reykjavík miðvikudaginn 27. maí 2026 í samstarfi við Dómsmálaráðuneytið, Lögreglustjórann á höfuðborgarsvæðinu, Mennta- og starfsþróunarsetur lögreglu, Bjarkarhlíð, Kvennaathvarfið og Stígamót.
Skráning á ráðstefnuna (bæði á staðinn og í streymi): https://forms.office.com/e/Mxc7bPgKDx
Lykilfyrirlesari er Gael Strack, ein af stofnendum samtakanna Alliance for Hope Int. Innan samtakanna eru Landssamtök þolendamiðstöðva, en íslensku þolendamiðstöðvarnar (Bjarkarhlíð, Bjarmahlíð, Sigurhæðir og Suðurhlíð) byggja á því líkani, auk þess sem samtökin reka sérstakt Fræðslu- og menntasetur um kyrkingar, Training Institute on Strangulation Prevention.
Orðspor Gael hefur breiðst langt út fyrir landsteinana. Hún er eftirsóttur fyrirlesari um allan heim, auk þess sem hún heldur námskeið og vinnustofur fyrir fagfólk. Gael, sem er lögfræðingur að mennt, starfaði áður sem saksóknari í San Diego (San Diego City Attorney‘s Office) þar sem hún bar ábyrgð á þeim málaflokki er laut að heimilisofbeldi og ofbeldi gegn börnum. Hún hefur ritað fjölda bóka og fræðigreina um kyrkingar, alvarleika þeirra og lífshættulegar afleiðingar.
Dagskrá:
Kl. 8.30 – Skráning og morgunkaffi
Kl. 9.00 – Ávarp Þorbjargar Sigríðar Gunnlaugsdóttur dómsmálaráðherra
Kl. 9.30 – Gael Strack flytur erindið Kyrkingartak: Lokaviðvörunin. Fjallað verður um alvarleika kyrkinga og þá lífshættu sem þær skapa, einkenni gerenda sem beita kyrkingartaki og tengsl kyrkinga við önnur alvarleg ofbeldisbrot, þar á meðal morð á lögreglumönnum og fjöldaskotárásir. Kynntar verða niðurstöður bandarískrar rannsóknar á 300 kyrkingarmálum, farið yfir löggjöf á sviðinu og fjallað um markmið og starfsemi Fræðslu- og menntaseturs um kyrkingar. Þá verður fjallað um læknisfræðilega þætti kyrkinga bæði hjá þeim þolendum sem lifa ofbeldið af og þeim sem deyja, auk nýrra og aðkallandi áskorana tengdum kyrkingarofbeldi.
Hádegishlé
13.00 – Pétur Guðmann Guðmannsson réttarlæknir á Landspítala og lektor við læknadeild HÍ fjallar um réttarlæknisfræðilega þætti kyrkingartaks, túlkun áverka og lífshættu. Pétur hefur rannsakað sérstaklega áverka á hálsi og aðstoðað lögreglu við fjölda rannsókna á ofbeldisverkum þar sem kyrkingartaki hefur verið beitt.
14.00 – Dr. Svala Ísfeld Ólafsdóttir dósent við lagadeild HR fjallar um rannsókn á dómum í ofbeldismálum þar sem kyrkingartaki hefur verið beitt.
Kaffihlé
15.00 – Pallborðsumræður með þátttöku Bjarkarhlíðar, Kvennaathvarfsins og Stígamóta. Jenný Kristín Valberg teymisstýra mætir fyrir hönd Bjarkarhlíðar, Linda Dröfn Gunnarsdóttir framkvæmdastýra fyrir hönd Kvennaathvarfsins og Drífa Snædal talskona fyrir hönd Stígamóta. Til viðbótar mun nýskipaður ríkislögreglustjóri, Halla Bergþóra Björnsdóttir, sitja í pallborði.
16.30 - Ráðstefnuslit
Skráning á ráðstefnuna er nauðsynleg, hvort sem þátttakendur mæta á staðinn eða fylgjast með í streymi
Fimmtudaginn 28. maí stendur Gael Strack fyrir vinnustofu fyrir fagfólk innan réttarvörslukerfisins og fagfólk sem sinnir þjónustu og stuðningi við þolendur. Vinnustofan er haldin í HR og stendur frá kl. 9-15. Ekki er boðið upp á streymi á vinnustofunni.
Skráning á vinnustofu fyrir fagfólk: https://forms.office.com/e/8zkQgyK3wb
Advertisement
Event Venue
Menntavegur 1, 102 Reykjavík, Iceland, Menntavegur 1, 102 Reykjavíkurborg, Ísland, Reykjavík, Iceland
Tickets
Concerts, fests, parties, meetups - all the happenings, one place.
