Name: Kvennaganga og baráttufundur á Alþjóðlegum baráttudegi kvenna fyrir friði og jafnrétti
Start: 2025-03-08T13:00:00+00:00
Location: IÐNÓ

$Kvennaganga og bar\u00e1ttufundur \u00e1 Al\u00fej\u00f3\u00f0legum bar\u00e1ttudegi kvenna fyrir fri\u00f0i og jafnr\u00e9tti$

Konur og kvár safnast saman á Arnarhóli kl 13 og ganga fylktu liði sem leið liggur í IÐNÓ þar sem haldinn verður baráttufundur! Yfirskriftin í ár er “gegn hernaði og nýlenduhyggju” og við munum hlýða á ræður og tónlistaratriði frá breiðum hópi kvenna.
8.mars er Alþjóðlegur baráttudagur kvenna fyrir friði og jafnrétti. Kvenfélög, stéttarfélög, friðar- og mannréttindasamtök hafa í áraraðir sameinast í baráttufundi á þessum degi undir ýmsum formerkjum. Í ár beinum við sjónum að þeirri hernaðar-og nýlenduhyggju sem einkennt hefur heimsmálin síðustu misseri. Þar er skemmst að minnast herskárra yfirlýsinga Bandaríkjaforseta um yfirtöku á Grænlandi og Gaza.
Við getum ekki aðskilið baráttu fyrir kvenréttindum frá baráttu fyrir friði, jöfnuði og réttlæti. Við krefjumst þess að allar konur njóti frelsis og mannréttinda án mismununar. Baráttan fyrir friði er kvennabarátta því stríð eru yfirleitt hafin af karlmönnum en hafa ekki síst áhrif á konur og börn. Konur hafa alltaf verið leiðandi í friðarbaráttunni og 8. mars setjum við frið og réttlæti aftur á dagskrá!
Að fundinum standa:
Menningar og friðarsamtökin MFÍK
Félagið Ísland Palestína
Stígamót
Mannréttindaskrifstofan
Alþjóðlegur jafnréttisskóli GRÓ
Félag íslenskra hjúkrunarfræðinga
Rauða Regnhlífin
Sósíalískir Feministar
Samtök Hernaðarandstæðinga
Samtökin 78
Félagsráðgjafafélagið
Efling