Name: Kino førpremiere: Havfolket
Start: 2026-01-18T20:00:00+01:00
Location: Radøyvegen 1690, 5936 Manger, Norge

$Kino f\u00f8rpremiere: Havfolket$

Havfolket er ein nostalgisk, vittig og ellevill hyllest til livet langs norskekysten, og folket som har klora seg fast på øyar, holmar og i fiskevêr i uminnelege tider. Kinodokumentaren er sett saman av unike arkivskattar gjennom nesten hundre år, og blant forteljarane er nokre av dei beste stemmene til kysten, som Halvdan Sivertsen, Trude Drevland og Pål «Moddi» Lue.
Resultatet er ein storslått film som skildrar ein kystkultur som veldig mange av oss er forankra i, og som alle har eit forhold til. Knapt nokon nordmann er upåverka av havet, anten ein knyter det til fiske og fangst, ferjekøar og strenge billettørar, knallharde vindkast og stengde bruer, eller jonsokfeiring og ungdomsflørt på holmar og skjer. Havfolket bevegar seg innom viktige hendingar, som starten på oljeeventyret, og brenninga og gjenoppbygginga av Finnmark – men det er menneska og kvardagslivet langs kysten som er sjølve essensen av filmen.