Name: Kapé ding Pantas kambé nang JC Gaillard
Start: 2026-04-11T08:30:00+08:00
End: 2026-04-11T11:30:00+08:00
Location: 4HPR+H9J, Sto. Entiero Street, Barangay Sto. Rosario Angeles City, Angeles, 2009 Angeles City, Philippines

$Kap\u00e9 ding Pantas kamb\u00e9 nang JC Gaillard$

Kapé da ring Pantas Kambé nang JC Gaillard
Ing Parul anting Sagísag ning Pámanibambalá da ring Kapampángan
Pámanyibambalâ. Subversion.
Bálang dáratang na ing Amian at dírimlá na ing Panawun, mékad ápansínan támung agad dádalumdum at mágluat ya ing Béngi. Dápot é támu manglap at maliligálig king lúluat ning dalumdum pawúlí da ring masálá, makúlé at matingkad dang aslag ding Tangló ó Parul.
Ing Tangló ó Parul yang kasalungsúngang sásagísag king Pasku. Pákiwángis táya kétang Batuin a maslag ning Belen iniang míbayit ya i Kristo. King sablang ísip támu, lintó lá mú réning Tangló ó Parul kaibat ning paniatang na kéti ning Kristianismu a délá da ring Kastílâ.
Ó nu móng ing Tangló ó Parul atí né kéti báyu la pa dátang ding Kastílâ? Nánu mó ing sasagísag na níta nung ding Kapampángan alá la pang bitasang kamalémálé king Pasku, king pángabayit nang Kristu ó ning Batuin king Belen?
Kéning kékatámung Kapé ding Pantas ákatalamítan táya i Dr. JC Gaillard ning Te Kura Mātai Taiao (School of Environment) ning Waipapa Taumata Rau (University of Auckland) king Aotearoa (New Zealand) díkil king Pámagpakilalánan (identity) da ring Kapampángan at ing dekolonisasiun.
Ngéning 2026 Abril 11, Sábadung Ábak, 8:30-11:30 AM, kéti king Sínúpan Singsing Center for Kapampángan Cultural Heritage kéti king 2nd floor na ning Angeles City Library and Information Center.