Advertisement
Kaffidagur Dýrfirðingafélagsins Fella- og Hólakirkju 9. mars
Vorboðinn í okkar félagi er Kaffidagurinn þar sem við fögnum því að daginn er tekið að lengja og birtan nær yfirtökum. Þetta kærkomna tækifæri til að hitta ættingja, gamla vini og kunningja er vel metið af félagsmönnum. Dagurinn verður með hefðbundnum hætti og hefst með guðsþjónustu kl. 14:00 í Fella- og Hólakirkju. Sr. Jón Ómar Gunnarsson sóknarprestur predikar og þjónar fyrir altari. Félagar í Kirkjukór Dýrfirðinga leiða safnaðarsönginn undir stjórn Arnhildar Valgarðsdóttur organista. Þau ykkar sem hafið áhuga á að syngja með kórnum eruð hvött til að hafa samband við Ragga Gunn á [email protected]
Að guðsþjónustu lokinni verður kaffisala í safnaðarheimilinu og er verðið á kaffi og glæsilegu meðlæti kr. 3000,- fyrir 18 ára og eldri. Kaffinefnd og stjórn félagsins sjá um skipulagningu dagsins en framlag allra sem eru tilbúin að leggja til brauðmeti eða tertur er afskaplega vel þegið. Vegna forfalla í Kaffinefndinni óskum við eftir fólki sem hefur tök á að stökkva til og vera með 9. mars. Í Kaffinefndinni eru Petrína Freyja Úlfarsdóttir, Ásrún Leifsdóttir, Sigríður Gestsdóttir, Álfheiður Erla Sigurðardóttir og Ólafía Steinarsdóttir.
Ágóði af veitingasölu Kaffidagsins hefur farið í sjóð sem veitt hefur verið úr til góðra málefna í Dýrafirði. Stjórn félagsins hefur ákveðið að ágóðinn í ár renni til Björgunarsveitarinnar Dýra sem fagnar 50 ára afmæli í ár og safnar fyrir nauðsynlegri endurnýjun á 25 ára gömlum jeppa sveitarinnar.
Fyrir þá sem ekki eiga heimangengt á Kaffidegi en vilja leggja sitt af mörkum er hægt að leggja inn á reikning Kaffisjóðs 0537-14-101004, kt. 660875-0189. Hlökkum til að sjá ykkur og og eiga með ykkur góða og nærandi stund!
Advertisement
Event Venue & Nearby Stays
Fella- og Hólakirkja, Hólaberg 88, 111 Reykjavíkurborg, Ísland,Reykjavík, Iceland
