Name: Hringir Orfeusar og annað slúður- aftur á svið
Start: 2025-10-19T20:00:00+00:00
End: 2025-10-19T22:00:00+00:00
Location: Listabraut 3, 103 Reykjavík, Iceland

$Hringir Orfeusar og anna\u00f0 sl\u00fa\u00f0ur- aftur \u00e1 svi\u00f0$

Sýning ársins 2025: HRINGIR ORFEUSAR og annað slúður fer aftur á svið ⭐
Aðeins tvær sýningar af þessu magnaða sjónarspili – 19. október og 12. nóvember.
Um verkið:
HRINGIR ORFEUSAR og annað slúður
Veisla fyrir skynfærin
eftir Ernu Ómarsdóttur
Stígðu inn í heim þar sem fornir guðir hvísla í eyra þitt, goðsagnir lifna við í samtímanum, og hver hreyfing segir sögu sem orð ná ekki að fanga.
Hringir Orfeusar og annað slúður, nýjasta stórverk Íslenska dansflokksins, er mögnuð sýning sem umbreytir tímalausum goðsögnum í upplifun fyrir öll skynfæri.
Frá hrífandi söng Orfeusar, sem heillaði allt sem lifði, til dimmra undirheima Demetru og Persefónu, kafar verkið djúpt í eilífa hringrás – vöxt og hnignun, ást og missi, sköpun og umbreytingu.
Í gegnum djörfan samruna dans, myndlistar, tungumáls og táknmáls verður goðsögn að holdi, tal verður hreyfing, tónlist verður sjónræn upplifun sem þú næstum sérð.
Sýningin nær hámarki þegar lúðrasveit 100 barna og unglinga flæðir inn á sviðið og hringir söguna áfram með óvæntum krafti.
Hver á „Gullna reyfið?“
Hvaðan koma allir snákarnir?
Hefur Evridís áhuga á að snúa aftur til fyrra lífs?
Af hverju dönsum við eiginlega í hringi?
Tryggðu þér miða