Advertisement
Ei skremmande sann historie - og kanskje årets viktigaste film.Filmen blir vist i nyoppussa kinosal, og kveldens gjest er Maisa Aljbour.
HIND RAJAB – STEMMEN FRA GAZA handlar om ei seks år gammal jente som mista livet i Gaza. Hjelpeapparatet sto makteslause åtte minutt unna. 9 januar 2024 fekk Raude halvmåne i Palestina inn ein nødsamtale. Ei lita jente er fanga i ein bil som blir skoten mot. Medan dei frivillige i Raude halvmåne held samtalen i gang, gjer dei alt dei kan for å få sendt ein ambulanse som kan nå fram til henne i tide.
Namnet hennar var Hind Rajab, og utgangspunktet for filmen er det ekte lydopptaket av Hind som ringer nødsentralen.
Regissør Kaouther Ben Hania har gjenskapt Hinds siste timar ved å bruke dei faktiske opptaka av telefonsamtalen saman med dramatiske rekonstruksjonar av scenene som utspelte seg på alarmsentralen hjå Raude halvmåne. Resultatet er ein nervepirrande og hjarteskjærande film som både gir oss innblikk i den håplause situasjonen til palestinske barn, og maktesløysa til alle som ynskjer å hjelpe, men ikke kan.
Filmen blir omtalt som ein av årets viktigaste filmar, var Oscar-nominert og vann Sølvløven i Venezia.
Gjest i salongen etter filmen er Maisa Aljbour. No bur ho i Lunde og arbeider som sjuepleiar, men ho er frå Gaza, og har familien sin der. Ho vil kommentere filmen og tilhøva i Gaza ut frå eigne erfaringar, og det blir lagt opp til samtale med publikum.
Medarrangør er Palestinakomiteen i Telemark, og det vil bli anledning til å donere til NORWACs hjelpearbeid i Gaza.
Lett servering er inkludert i billetten.
Advertisement
Event Venue
Bø kino, Gullbringvegen 34, 3800 Bø i Telemark, Norge, Notodden, Norway
Tickets
Concerts, fests, parties, meetups - all the happenings, one place.
