Advertisement
FERÐALAG AÐ INNRI FRIÐ: VINNUSTOFAVinnustofan er fullbókuð en sú næsta verður haldinn fljótlega.
IFS partavinna, EMDR áfallameðferð, listmeðferð og núvitund.
Vinnustofan er gagnvirk sem þýðir að þátttakendur fá að kynnast og upplifa eftirfarandi meðferðarform: IFS partavinna, EMDR áfallameðferð, listmeðferð og núvitund.
Í vinnustofunni verður boðið upp á fræðslu, íhugun, hópvinnu með IFS og EMDR og listmeðferð og stutta umræðu í lokin.
Fyrir hvern er vinnustofan?
Vinnustofan hentar þeim sem vilja skilja betur áhrif og afleiðingar áfalla og erfiðrar lífsreynslu og hafa áhuga á að tileinka sér nýtt og valdeflandi sjónarmið á sitt innra og ytra líf.
Þátttakendur kynnast meðferðarformunum sem Rósa telur vera hin áhrifamestu í sálfræðilegri vinnu.
Um Rósu
Rósa er löggiltur sálfræðingur með yfir áratuga reynslu á sviði sálfræði, áfallameðferðar og samþættingar gagnreyndra og skapandi meðferða. Hún sérhæfir sig í Internal Family Systems (IFS) meðferð og er einnig þjálfuð í EMDR, núvitund, listmeðferð og öðrum líkamsmiðuðum nálgunum á borð við jóga og náttúrumeðferð. Í starfi sínu vinnur Rósa með einstaklinga sem glíma við áföll, kvíða, þunglyndi og aðrar áskoranir, með það að markmiði að endurheimta jafnvægi, styrk og innri frið.
Með meistaragráðu í sálfræði og listmeðferðarfræði frá California Institute of Integral Studies og fjölbreytta alþjóðlega reynslu nálgast Rósa hvert meðferðarferli með dýpt, samkennd og virðingu fyrir fjölbreyttum bakgrunni og þörfum skjólstæðinga sinna.
Ástríða Rósu liggur í að hjálpa þeim sem þjást að finna von, lækningu og tengingu við sitt sanna sjálf. Hún leggur áherslu á mikilvægi tengingar við náttúruna í bataferlinu og nýtir fjölbreytt úrval bataleiða sem hún hefur tileinkað sér á lífsleiðinni, þar á meðal andlega tengingu, íhugun, útivist í náttúrunni, jóga og listræna sköpun. Hún hefur þróað og stýrt nýstárlegum meðferðarvinnustofum eins og hóp-EMDR og listmeðferð, og skapar öruggt og styðjandi rými fyrir sjálfsuppgötvun og bata.
Rósa hefur haldið fyrirlestra og leitt vinnustofur á alþjóðlegum ráðstefnum og unnið bæði með einstaklingum, pörum og hópum á einkastofu, heilbrigðisstofnunum og fræðslusetri. Sem meðferðaraðili með sterka tengingu við heildræna nálgun, vinnur hún að því að innleiða jafnvægi, sjálfsþekkingu og seiglu í líf skjólstæðinga sinna.
Internal Family Systems Therapy (IFS)
IFS (Internal Family Systems) er nútímaleg og áhrifarík meðferðarnálgun sem byggir á þeirri hugmynd að hver einstaklingur hafi innra „kerfi“ af mismunandi hlutum eða hliðum, líkt og fjölskylda. Þessir hlutar geta verið mismunandi raddir, tilfinningar eða hvatir sem taka á sig sérstök hlutverk, t.d. sem verndarar, ráðgjafar eða sárir hlutar.
Markmið IFS er að skapa jafnvægi og samræmi í þessu innra kerfi með því að skilja og heila þá hluta sem hafa orðið fyrir áföllum eða erfiðum tilfinningum. Með því að tengjast okkar innri kjarnasjálfi – þeirri rólegu, skilningsríku og vitru hlið okkar – getum við öðlast dýpri heilun, meiri sjálfsþekkingu og frið innra með okkur.
IFS er sérstaklega gagnlegt fyrir fólk sem glímir við áföll, streitu, tilfinningalega erfiðleika eða einfaldlega vill styrkja tengslin við sjálft sig og lifa í betra jafnvægi og gleði. Það er nálgun sem færir mildi, von og bata á einstaklega nærgætinn og valdeflandi hátt.
Hópmeðferð með EMDR
EMDR (Eye Movement Desensitization and Reprocessing) er viðurkennd sálfræðimeðferð sem hjálpar fólki að vinna úr áföllum, streitu og erfiðum tilfinningum. Aðferðin byggir á því að vinna með minningar og tilfinningar sem hafa festst í taugakerfinu og haft neikvæð áhrif á líðan eða virkni.
Í hópmeðferðinni er EMDR samþætt við skapandi aðferðir, eins og teikningu og ritun, sem gerir þátttakendum kleift að vinna með tilfinningar sínar á djúpan hátt án þess að þurfa að tala beint um þær. Tvíhliða örvun er framkvæmd með „fiðrildafaðmlaginu“ (butterfly hug), sem er einföld og áhrifarík sjálfshjálparaðferð.
Þessi hópnálgun skapar öflugt meðferðarferli þar sem hver þátttakandi getur upplifað úrvinnslu, losun og lækningu í öruggu, hlýju og styðjandi umhverfi. Hún eykur sjálfsþekkingu, innri jafnvægi og vellíðan.
Listmeðferð
Listmeðferð er skapandi og umbreytandi nálgun þar sem við notum tjáningaraðferðir eins og leir, málun, hreyfingu, söng og dans til að kanna tilfinningar, vinna með erfiðleika og efla tengingu við okkur sjálf. Með listsköpun fáum við tækifæri til að tjá það sem erfitt er að setja í orð og opna fyrir nýjar leiðir til sjálfsþekkingar og lækninga.
Þessi nálgun skapar gleði, von og innri tengingu, sem gerir bataferlið bæði dýpra og líflegra. Listmeðferð er kraftmikill þáttur sem styður sjálfsuppgötvun og persónulega vöxt, og krefst ekki fyrri reynslu í listsköpun.
Núvitund
Hugleiðslu og núvitund er fléttað inn í námskeiðið. Með æfingum í núvitund lærum við að vera til staðar í augnablikinu með opnum hug og án dóma. Þessar æfingar hjálpa okkur að styrkja tengslin við okkur sjálf, róa hugann og auka meðvitund um eigin tilfinningar, hugsanir og líkamsvitund. Í gegnum þetta ferli byggjum við upp meiri samkennd með sjálfum okkur og öðrum, auk þess að skapa grundvöll fyrir dýpri sjálfsþekkingu og lækningu.
Markmiðið er að taka þessa æfingu með okkur inn í daglegt líf og nýta hana sem stuðning við jákvæða breytingu og aukið jafnvægi.
Fyrri þátttakendur í vinnustofum og hópmeðferð Rósu hafa lýst ánægju sinni og segjast hafa upplifað mikla gleði. Þeim finnst sköpunarferlið í listinni mjög ánægjulegt eru undrandi á því hversu djúpt þeir gátu farið og unnið úr erfiðum tilfinningum sem höfðu angrað þá lengi.
Grein í Fréttablaðinu um námskeið Rósu
https://frettabladid.overcastcdn.com/documents/SC220427.pdf
Hvenær: Laugardaginn 25.01.2025 kl. 11:00-13:00
Hvar: Rósin, Bolholt 4, 4.hæð
Kostnaður: 4 900 isk (kynningarverð)
Greiðsla: Til að staðfesta skráningu þarf að greiða námskeiðsgjaldið.
Kt: 101070 3799 (Ragnhildur Guðrún Richter, fullt nafn Rósu)
Bkn: 0111 26 031666
Ég hlakka til að taka á móti ykkur :)
Advertisement
Event Venue & Nearby Stays
Bolholt 4, 105 Reykjavíkurborg, Ísland, Bolholt 4, 105 Reykjavíkurborg, Ísland,Reykjavík, Iceland
