Advertisement
Kva trugar Noreg no?Kva betyr det for deg, for verksemdene i regionen, og kva bør du gjere for å førebu deg?
«Kva trugar Noreg no?» er eit føredrag om det som for berre nokre få år sidan var utenkjeleg, men som no er fullt mogleg. Her får publikum eit innblikk i kva som trugar samfunnet vårt i dag, og kor gale det kan gå. Du får ei forståing av kva dette betyr for deg, for folk flest, og for verksemdene i regionen. Og ikkje minst: kva bør du sjølv gjere for å førebu deg? Føredraget blir avslutta med open spørsmålsrunde for alle.
«Kva trugar Noreg no?» er ein ærleg analyse av kva som trugar oss. Dei hemmelege tenestene våre har snakka om sabotasjetrugsmål, cyberangrep, terror og – aller farlegast – fare for krig. Kan straumen forsvinne, eller mobilnettet, eller betalingssystema? Kan det bli mangel på mat og medisinar? Er annan infrastruktur truga? Korleis skal vi forhalde oss til Russland, Kina og ikkje minst Amerika?
Geir Hågen Karlsen er tidlegare offiser og har vore hovudlærar ved Forsvarets høgskule, og også vararepresentant på Stortinget for Oslo i perioden 2013–21. Han er godt kjend for folk etter over 2000 medieopptredenar om krigen i Ukraina og trugsmål mot Noreg, og er ein ettertrakta føredragshaldar som tek publikum med på ei viktig, ettertenksam – og dessverre hyperaktuell – reise om kva som kan true oss.
Advertisement
Event Venue & Nearby Stays
Holmegata 7, 6150 Ørsta, Norway, Holmegata 7, 6153 Ørsta, Norge, Volda, Norway
Tickets
Concerts, fests, parties, meetups - all the happenings, one place.
