Advertisement
Unga mamman og høvundurin, Grace, flytir saman við makanum, Jackson, at búgva í barnaheiminum hjá honum burtur frá býnum. Hon er Oscarvinnarin Jennifer Lawrence og hann er Robert Pattinson.
Hóast Grace roynir, hevur hon ilt við at finna seg til rættis í nýggja leiklutinum og fjara umhvørvinum har kærleiki, dreymar og óvæntaðar avbjóðingar tørna saman. Mamma hansara, Oscarvinnarin Sissy Spacek, varnast, at alt ruggar ikki rætt hjá verdóttrini.
Bæði leikstjóri og høvuðsleikari munnu hava havt tær sterkastu lýsingarnar um og av móðurskapi í nútíðar filmi. Skotski leikstjórin, Lynne Ramsay (f.1969), við filminum ”We need to talk about Kevin” í 2011, og Jennifer Lawrence (f.1990) sum høvuðsleikari í Aronofsky filminum ”Mother!” í 2017.
Søguna skrivaði jødisk-argentinska Ariana Harwicz (f.1977) á spanskum í 2012 við heitinum ”Matate, amor”. Ummælarar róstu søguni fyri inniligu og kenslubornu lýsingina av parlagi, móðurskapi og samleika.
Filmurin ”Die, my love” var í høvuðskappingini í Cannes 2025 og fekk serstakliga góð ummæli, serliga fyri sterka og ótamda leiklutin hjá Jennifer Lawrence, ið ummælarar meta verdan minst eina Oscarvirðisløn.
Advertisement
Event Venue & Nearby Stays
Tinghúsvegur 6, FO-100 Tórshavn, Faroe Islands, Tinghúsvegur 6, FO-100 Tórshavn, Føroyar, Tórshavn, Faroe Islands
Concerts, fests, parties, meetups - all the happenings, one place.
