Advertisement
Hrikalega flott og krefjandi ganga á alla fimm tinda Botnssúlna í einni ferð þar sem brölt og klöngur einkennir leiðina upp og niður í grýttum brekkum með snjó líklega að hluta til í efstu hlíðum. Mögnuð upplifun á þessum glæsilega fjallgarði og stórkostlegt ævintýri fyrir sterka fjallgöngumenn.Mikilvægar tilkynningar:
*Fólksbílafært.
*Þessi ganga er eingöngu á færi þeirra sem eru í mjög góðu gönguformi fyrir mjög langan dag og krefjandi landslag nánast allan tímann þar sem reynir á að vera öruggur í bratta og með úthald fyrir 25 km á 14 klst. þar sem hækkunin tæplega 2.300 m. Í raun erfiðari ganga en á Hvannadalshnúk ef horft er til hækkunar og yfirferðar á landslagi.
*Þriðjudagsæfingarnar æfa vel klöngur og brölt í grjóti og brekkum og tindferðirnar um helgar æfa vel úthald á löngum vegalengdum og það er nauðsynlegt að æfa bæði mjög vel fram að þessari ferð.
*Ljósmynd ferðar er tekin í magnaðri fyrri ferð á alla fimm tinda Botnssúlnanna 30. júní árið 2012 en þá var kosið til forseta og við misstum af því að kjósa okkur hann í þetta skiptið, þar sem göngunni lauk kl. 22:30 á Þingvöllum og þá átti eftir að keyra heim en okkur var alveg sama, við skáluðum á björtu sumarkveldi þarna á Þingvöllum með fjallorku og sigur í hjartanu sem ennþá stafar geislum frá:
https://www.toppfarar.is/tindur80_botnssulur_allar5_300612.htm
Verð:
Kr. 9.000 fyrir klúbbmeðlimi sem mættu í tindferð síðustu 2 mánuði eða ef bæði hjón/par/vinir mæta.
Kr. 11.000 fyrir klúbbmeðlimi ef ofangreindur afsláttur gildir ekki.
Kr. 14.000 fyrir gesti sem vilja prófa göngu með klúbbnum.
Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:
Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is.
Mjög mikilvægt er að skrifa í skýringu hvaða ferð er verið að greiða, nóg að setja nokkra stafi í nafni fjallsins svo skiljist.
Skráning og skilmálar:
Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst.
Ferð er ekki endurgreidd við afboðun ef uppselt er í ferðina og fólki var vísað frá sem vildi skrá sig eða ef fáir voru skráðir og ferð hefði verið aflýst vegna ónógrar þátttöku.
Allar upplýsingar um ferðina á viðburði á vefsíðu okkar hér:
https://www.fjallgongur.is/event-details/botnssulurnar-allar-fimm
Advertisement
Event Venue & Nearby Stays
Botnssúlur, Reykjavík, Iceland
