Name: Borð fyrir einn
Start: 2026-02-14T20:00:00+00:00
Location: Café Rósenberg, Vesturgötu 3

$Bor\u00f0 fyrir einn$

Fjórtándi febrúar er dagur elskenda, bæði þeirra sem sjást og kyssa en líka þeirra sem þjást og missa. Mikið hefur verið samið og kveðið í tali og tónum um ástina en talsvert meira um ástarsorgina enda býður þjáningin upp á mun fleiri litasamsetningar en hamingjan. Brynhildur Björnsdóttir söngkona og Jökull Jónsson píanóleikari munu því fagna ástarsorginni á degi Valentínusar 14. febrúar og flytja nokkra vel valda hjartabrotssmelli. Þá verður einnig farið yfir nokkrar góðar aðgerðir til að komast yfir ástarsorgir og almennt reynt að kafa í fyrirbærið ást en svo heppilega vill til að Brynhildur er með meistaragráðu frá Háskóla Íslands í þeim efnum.
Öll hjartanlega velkomin, hvort sem er eitt, tvö eða sjö, meðan húsrúm leyfir, til að fagna ástinni í öllum sínum myndum.
Miðar verða seldir við innganginn og er miðaverð 3500 krónur.