Name: Boltar og bandvefslosun og Yoga Nidra - salurinn í leikskólanum í Búðardal
Start: 2025-10-03T17:00:00+00:00
Location: Miðbraut 10, 370 Dalabyggð, Ísland

$Boltar og bandvefslosun og Yoga Nidra - salurinn \u00ed leiksk\u00f3lanum \u00ed B\u00fa\u00f0ardal$

Kennari: Hrafnhildur Sævarsdóttir íþrótta- og yogakennari
Bolta- og bandvefslosun er létt sjálfsnudd með sérstökum boltum þar sem annars vegar er verið að mýkja þau svæði líkamans sem eiga það til að safna spennu og hins vegar að virkja sefkerfið eða slakandi hluta taugakerfisins.
Yoga Nidra er liggjandi leidd hugleiðsla og slökun. Yoga Nidra losar uppsafnaða spennu úr líkamanum og er áreynslulaus aðferð til að róa hugann og komast inn í rýmið á milli svefns og vöku. Yoga Nidra er röð af líkams, öndunar og ásetnings æfingum s.s. hugleiðslutækni sem fer með þig í gegnum sömu heilabylgjur og þú ferð í gegnum í svefni nema með meiri krafti og á styttri tíma. Rannsóknir sýna að 45 mín af Yoga Nidra jafnast á við allt að 3ja tíma djúpan svefn. Það eina sem þú þarft að gera er að halda þér vakandi.
Aðeins meira um bandvefslosun: Með boltum við erum að losa um bandvefinn, sem er stoðvefur og hefur þann tilgang að tengja saman mismunandi vefi og vera milliliður í flutningi næringarefna og taugaboða. Bandvefurinn tengir líkamann saman. Hann umkringir vöðva, frumur, sinar, líffæri og bein. Ef rennsli milli bandvefslaga minnkar verður vefurinn þurr, sem getur haft áhrif á hreyfigetu. Bakverkir, höfuðverkir og stirðleiki eru algengar afleiðingar af of stífum bandvef. Við notum djúpa öndun til að hjálpa okkur að slaka betur á, hreyfum okkur í takt við andardráttinn og æfum okkur í að hlusta á líkamann.
Það sem gert verður í þessum 90 mín tíma er að mýkja svæði líkamans og losa um uppsafnaða spennu, næra djúpvefi, bein og liðamót. Markmiðið verður að kenna þátttakendum að nudda þau svæði líkamans sem eru hvað stífust með þar til gerðum boltum. Þetta eru æfingar sem hægt er að gera heima. Í lokin er leidd 30 mín Yoga Nidra.
Ef til er á heimilinu þunn dýna (yoga eða ræktardýna), teppi og koddi til að nota í slökuninni er gott að grípa það með. Jafnvel hlýja sokka því líkaminn kólnar þegar við slökum á.