Advertisement
Kika Sprangers – saksofonKjetil Mulelid – piano
Mats Eilertsen – kontrabass
Per Oddvar Johansen – trommer
Beiggja er resultatet av eit spontant musikalsk samarbeid som vart fødd vinteren 2024 og fanga på gruppa sitt debutalbum Morning, gjeve ut 13. juni året etter på Hubro. I etterkant av utgjevinga kom det ei rekkje lovord. Dag og Tid meinte albumet var «balsam for sjela». Store medium som Bandcamp, Jazzwise, Jazz’Halo og Mezzo sette albumet rett på topplistene sine for beste jazzalbum i månadskåringane sine. Andre medium, som franske France Musique og Culture Jazz, omtala musikken som «highly recommended» og «an album offering an embarrassment of riches from first to last».
Musikken deira inviterer lyttaren inn i rommet der musikalsk nyfikne og tillit til det lause samspelet driv musikken framover. Sprangers sin lyriske intensitet og Mulelid sin melodiske visjon finn solid forankring i Eilertsen sin rike tone og Johansen sitt alltid kreative trommespel. Resultatet er ei samling melodiske låtar, forma av spontanitet, nyfikne og ei umiskjenneleg nordisk klårleik. Bandet består av den nederlandske saksofonisten Kika Sprangers og tre velkjende norske namn:
Pianisten Kjetil Mulelid, bassisten Mats Eilertsen og trommeslagaren Per Oddvar Johansen.
Beiggja starta med eit ønskje om å spela, utforska og skapa akustisk jazzmusikk. Kvar musikar hadde med seg nokre komposisjonar og idear til det første møtet, men det som verkeleg definerte innspelinga, var fridomen til å la musikken utvikla seg naturleg. «Ingen tagning var lik», fortalde dei. «Samspelet var fantastisk – det kjendes heilt naturleg og organisk.» Denne kjensla av tillit og openheit er kjernen i Beiggja sin musikk, der kvar tone ber vekta av intensjon utan å mista improvisasjonen si lettleik.
I juni 2025 tok Beiggja musikken sin til scena for aller første gong, med tre konsertar i Nederland som stadfesta gruppa si magnetiske tiltrekkingskraft også utanfor studio. Dei spelte for fulle hus på det legendariske Bimhuis i Amsterdam, Tivoli Vredenburg i Utrecht og ein utseld konsert under den anerkjende Jazz in Duketown-festivalen i Den Bosch. Etter konserten deira på Bimhuis skildra den legendariske musikkelskaren Henning Bolte opplevinga slik:
«Lys, rom, klang – hellinga mot det nordiske, rommets vidde, og ei hengiven drivkraft inn i melankolien – ei overskridande oppleving.»
Advertisement
Event Venue & Nearby Stays
Hardangerfjordvegen 626, 5610 Øystese, Norway, Hardangerfjordvegen 626, 5610 Øystese, Norge, Voss, Norway
Tickets
Concerts, fests, parties, meetups - all the happenings, one place.
