Advertisement
8 vikur - Taktu þátt í gagnvirku námskeiði þar sem þú lærir að skilja og vinna með áhrif streitu og áfalla á líkamann og taugakerfið. Þetta námskeið er fyrir alla sem vilja dýpka sjálfsvitund, bæta vellíðan og efla innri styrk.
Leiðbeinendur á þessu námskeiði eru Sigríður Björnsdóttir sálfræðingur og Svava Brooks, TRE leiðbeinandi.
Dagskrá:
Við skráningu færðu sendann spurningarlista og nánari dagskrá fyrir námskeiðið.
Staðsetning.
Heillandi Hugur Heilsusetur
Hlíðarsmára 14,
Kópavogi
Nánari upplýsingar og skráning.
https://www.emdrsetrid.is/emdr-tre-namskeid
Boðið er upp á stutt spjall ef þú hefur áhuga en vilt nánari upplýsingar um hvort að þetta námskeið henti þér. Hafðu samband við Sigríði Björnsdóttur [email protected]
Námskeiðið býður upp á:
Fræðslu og umræðu um viðbragð taugakerfisins við streitu og áföllum. EMDR hópmeðferð – Tækni fyrir djúpa úrvinnslu áfalla.
TRE aðferðin – Til að losa spennu úr líkamanum, draga úr streitu og ná djúpri líkamlegri slökun.
Hvað færðu út úr námskeiðinu?
Uppbyggingu og styrkingu fyrir úrvinnslu áfalla.
Aukna getu til að ná tilfinningalegu jafnvægi.
Dýpri tengingu milli hugar og líkama til að takast á við streitu, verki og vanlíðan.
Þátttakendur taka virkan þátt í samtölum, æfingum og persónulegri vinnu sem styrkir lífsgæði og vellíðan. Inn í námskeiðið fléttast hinar ýmsu aðferðir eins og öndun, núvitund, samkennd og taugaskynjun. Vinnuhefti með helstu æfingunum sem eru kenndar á námskeiðinu.
Til að tryggja að efnið sé áreiðanlegt og gagnlegt er námskeiðið byggt á kenningum, þekkingu og gagnreyndum aðferðum.
Afleiðingar og áhrif streitu og áfalla á lífsgæði.
Streita og áföll geta haft veruleg áhrif á lífsgæði. Líkamleg áhrif eins og háþrýstingur, hjartasjúkdómar og langvinnir verkir skerða heilsu, á meðan andleg vandamál eins og kvíði, þunglyndi og svefntruflanir draga úr vellíðan. Streita getur einnig haft áhrif á daglegt líf með því að valda pirringi, einbeitingarskorti og erfiðleikum við að sinna daglegum verkefnum. Til lengri tíma litið getur þetta leitt til minni ánægju, skertrar starfsgetu og verri tengsla við aðra. Að takast á við streitu og leita aðstoðar er því lykilatriði í að bæta lífsgæði.
EMDR hópameðferð er frábrugðin hefðbundinni hópameðferð að því leyti að þátttakendur vinna sjálfstætt og ræða ekki áfallasögu sína við aðra. EMDR hópameðferð krefst ekki að aðilar í hópnum séu að vinna með sama vanda. Þannig forðast einstaklingar hvers kyns aukakveikjur, komast framhjá mögulegum félagslegum kvíða sem tengist því að tala í hópi og hagnast af þeim jákvæða ávinningi sem sameiginleg hópaupplifun getur verið (Yalom, 1970).
TRE® (Tension, Stress & Trauma Release) er leið til að hjálpa líkamanum að losa um spennu, streitu og áföll sem liggja djúpt í vöðvum líkamans. Leiðin er þróuð af Dr. David Berceli PhD til að virkja náttúruleg viðbrögð líkamans á öruggan hátt með því að leyfa líkamanum að skjálfa eða titra til að losa um vöðvaspennu og róa taugakerfið. Með því að virkja þessi náttúrulegu viðbrögð líkamans í öruggu umhverfu, er verið að hvetja líkamann til þess að endurheimta jafnvægi sitt og ná slökun eftir langvarandi streitu.
Leiðbeinendur á þessu námskeiði eru Sigríður Björnsdóttir sálfræðingur og Svava Brooks, TRE leiðbeinandi.
Sigríður hefur starfað á einkareknum sálfræðistofum frá útskrift M.Sc í sálfræði frá HR 2018. Hún er í reglulegri handleiðslu bæði hjá íslenskum og erlendum handleiðurum og tekur markvisst þátt í þjálfun og endurmenntun á EMDR meðferðarforminu og mikilvægri sérhæfingu því tengdu.Hún sérhæfir sig í úrlausn áfalla, bæði flókinna áfalla og vegna áfallastreituröskunar auk almennrar sálfræðiþjónstu. Nánari upplýsingar um Sigríði og EMDRsetrinu hér. https://www.emdrsetrid.is/
Svava hefur unnið með TRE ráðgjöf síðan 2017. Svava hefur unnið með sjálfshjálparhópa á vegum einkafyrirtækja, stofnana og grasrótarsamtaka síðastliðinn 9 ár, við forvarnir gegn kynferðisofbeldi síðastliðinn 15. ár. Svava býður upp á fræðslu og námskeið um áhrif streitu og áföll á heilsu og líðan, fyrir fyrirtæki og stofnannir. Svava tekur reglulega þátt í þjálfun í TRE, vinnur sem TRE mentor og síðast hefur setið námskeið til að kenna börnum TRE. Hægt er að fræðast meira um Svövu og TRE á heimasíðu hennar: svavabrooks.com/tre
Dagsetningar: 24. janúar til 14. mars, 2025
Föstudagar kl. 9.00 - 11.30
Einu sinni í viku í átta vikur.
Verð:
149.000 kr
Hægt er að skipta greiðslum.
Flest stéttarfélög niðurgreiða námskeið
Líkaminn man, helgarnámskeið i EMDR meðferð og TRE aðferðin.
Meðferð og sjálfstyrking sem felur í sér EMDR meðferð, sjálfstyrkingu og streitu og spennu losun vegna vegna áfalla, verkja eða kulnunar.
EMDR meðferð er heildstæð sálfræðileg meðferð til að vinna úr afleiðingum áfalla og streitu.
Sigríður Björnsdóttir, EMDR meðferðaraðili er M.Sc. sálfræðingur og vottaður EMDR meðferðaraðili og EMDR handleiðari. Sérhæfð í úrlausn áfalla og streitu.
TRE er líkamsmiðuð aðferð til að losa úr líkamanum, spennu, streitu og verki.
Svava B Svanhildardóttir, TRE leiðbeinandi er vottaður leiðbeinandi og sérhæfir sig í líkamsmiðaðri nálgun.
Þátttakendur öðlast færni í streitustjórnun, finna fyrir meiri orku og betra jafnvægi.
Advertisement
Event Venue & Nearby Stays
Heillandi hugur - Fræðslu og heilsusetur, Kopavogur, Iceland
