Advertisement
1 მაისი მშრომელი საზოგადოების დღეა, რომელიც გვახსენებს, რომ თითქმის ყველა უფლება, რომლითაც დღეს ვსარგებლობთ, მოპოვებულია - ერთად შრომით, სოლიდარობით და სიმტკიცით.მშრომელთა მოძრაობა, საკუთარი შრომის და ცხოვრების გაუმჯობესებისთვის ბრძოლის პროცესში, უკეთესს ხდიდა დანარჩენი საზოგადოების ცხოვრებასაც. მათი მონაპოვარი ყველაზე დაუცველებზე ნაწილდებოდა და ნაწილდება.
ყველა საზოგადოებაში არიან ისინი, ვინც ვერ გაიფიცება, ვერ მოაწყობს საპროტესტო მსვლელობას და ხელს ვერ მოაწერს თავისთვის სასარგებლო პირობების მოთხოვნას.
ესენი პირველ რიგში ბავშვები არიან.
საქართველოში, საჯარო სკოლებში ნახევარ მილონზე მეტი ბავშვი ყოველდღიურად აღებს საკლასო ოთახის კარს და მათი დიდი ნაწილი გაკვეთილების განმავლობაში მშიერია - უმეტესობა უსახსრობის გამო. ოჯახების დიდი ნაწილი, ვინც ცდილობს, ბავშვს სკოლაში საკვების თანხა გაატანოს, მას ოჯახის კვების საერთო ბიუჯეტს აკლებს.
დანარჩენი თქვენ ისედაც იცით, სტატისტიკის მოხმობის და შედეგების აღწერის გარეშეც: შიმშილი და საკვების დანაკლისი ცხოვრებას გვიმახინჯებს.
უფასო სასკოლო კვება წყალობა არ არის, რომლის გაღებასაც ვინმეს ვთხოვთ. არც გულუხვობა, რომელსაც ველოდებით.
მოითხოვო უფასო სასკოლო კვება, ნიშნავს, მოითხოვო სამართლიანობა, მოითხოვო გადანაწილება, მოითხოვო ეკონომიკურად და ეთიკურად ერთი ნაბიჯით წინ წასული საზოგადოება.
1 მაისს შევიკრიბოთ ყველა, ვინც ამ მოთხოვნას ვუერთდებით და მზად ვართ, მცირედი ძალისხმევა მაინც ჩავდოთ უფასო სასკოლო კვების მოთხოვნით 25 000 ხელმოწერის შეგროვებაში.
შიმშილი შევცვალოთ დაპურებით
დანაკლისი შევცვალოთ სიუხვით
დამცირება შევცვალოთ სიხარულით
მზად ვართ?
Advertisement
Event Venue
მზიურის პარკი, მდ. ვერეს ხეობა,Tbilisi, Georgia
Tickets
Concerts, fests, parties, meetups - all the happenings, one place.
