Advertisement
Vertu með þegar við afhendum Hvatningarverðlaun ÖBÍ réttindasamtaka í ár!Verðlaunahátíðin fer fram kl. 11:00 þann 3. desember á Grand hóteli í Reykjavík. Við eigum saman eftir að njóta góðrar og kraftmikillar stundar þar sem við fögnum fólki og verkefnum sem hafa haft ómetanleg jákvæð áhrif á réttindi, sýnileika og þátttöku fatlaðs fólks.
Tilnefnd eru:
Hákon Atli Bjarkason
Fyrir að vera frábær fyrirmynd og stuðla að inngildingu ungs fatlaðs íþróttafólks.
Listvinnzlan
Fyrir brautryðjendastarf á sviði listsköpunar fatlaðs fólks og fjölgun atvinnutækifæra.
Magnús Orri Arnarson
Fyrir einstakt framlag á sviði vitundarvakningar, kvikmyndagerðar og íþrótta.
Sigurður Hólmar Jóhannesson
Fyrir að lyfta Grettistaki í málaflokki fatlaðra barna og barna með sjaldgæfa sjúkdóma.
Hvatningarverðlaunin hafa verið veitt frá árinu 2007. Í fyrra hlutu verðlaun þeir Sigfús Sveinbjörn Svanbergsson(Fúsi) og Agnar Jón Egilsson fyrir leikverkið Fúsi, aldur og fyrri störf, og Kolbrún Dögg Kristjánsdóttir fyrir leikverið Taktu flugið, beibí eftir en báðar leiksýningar voru tímamótaverk í íslensku atvinnuleikhúsi.
Verðlaunin eru veitt þeim sem hafa með störfum sínum stuðlað að samfélagi fyrir alla, með áherslu á þátttöku, sjálfstæði og jafnrétti fatlaðs fólks.
3. desember er jafnframt alþjóðadagur fatlaðs fólks, og í tilefni dagsins stendur ÖBÍ fyrir átakinu Upplýst samfélag. Við hvetjum fólk um allt land til að lýsa upp í fjólubláu, lit réttindabaráttu fatlaðs fólks.
Viðburðurinn verður táknmáls- og rittúlkaður.
Advertisement
Event Venue
Hotel Reykjavik Grand, Tesla, Sigtún 38, 105 Reykjavíkurborg, Ísland, Reykjavík, Iceland
Tickets
Concerts, fests, parties, meetups - all the happenings, one place.