Advertisement
- صباح / مساء الخير علي أهل الجروب الكرام 🙋🏻♂️# إن شاء الله الافطار الجماعي السنوي للجروب في المحميه هيكون يوم الجمعه بتاريخ
( 13/3/2026)
# ليه اختارنا التاريخ ده ؟
- اولا: عشان هيكون رابع جمعه في رمضان وهيكون معظم الناس خلصت دوشه العزومات سواء عند الاهل او الشغل
- ثانيا: صلاه القيام في البريه ممتعه وعظيمه لدرجه لا توصف ( ربنا يكتب للجميع زياره بيته الحرام 🕋)
- ثالثا : أن بدرجه كبيره جدا هيكون المكان في الوقت ده اهدي واروق وبعيد عن أي مصادر إزعاج وهو ده الهدف المطلوب 🙏
# التفاصيل الرئيسيه :
-التجمع الساعه ٢:٠٠ ظهرا 🕜
- دخول مكان الأفطار والتخيم ( الكيلو ٣:٥) 🔥
- صلاه المغرب 🛐
- الافطار 🥩🍚🍟🍦🍧
- التحضير لصلاه العشاء والتراويح 🛐
- نايت هايك ( اختياري ) 🚶
- صلاه القيام 🛐
- تحضير السحور والسحور قبل الفجر بساعه 🍚🥩🍦🍟
- صلاه الفجر 🛐
# التجمع :
- التجمع هيبدا من الساعه 2:00 🕜 ظهرا
- هيكون هناك مكانين للتجمع
الاول : لو انت جاي مواصلات فهيكون مكان التجمع عند الجامع الكويتي 🕌 :
Kuwaiti Mosque
https://maps.app.goo.gl/ebaDBFeeB4CChkqQ7
ثانيا :
- لو انت جاي بعربيتك أو اوبر أو تاكسي فمكان التجمع هيكون قدام بوابه المحميه علي طول 🌄⛰️ :
Wadi Degla Protectorate
02 25256439
https://maps.app.goo.gl/yxaowfmomL9ByfmN8
#الدخول :
- هنبدا الدخول الساعه 3 عصرا 🕒 بحيث نكون في مكان الافطار والتخيم الساعه 3:30 - 4 🕞
- هنبدا في تجهيز المكان واعداد النار ووضع الشنط والبدا في تجهيز الأفطار 🎒🔥🍟🥩🍧
# الافطار :
- كل فرد او مجموعه هتبقي جايبه أفطارها وسحورها معاها
- بالإمكان إحضاره جاهز ومحضر سابقا
- أو انك تشوي وتجهز فطارك في المحميه وده يستلزم انك تجيب معاك شوايتك وفحمك وممكن كل جروب يجهزوا مع بعض
( احنا هنكون موفرين خشب للنار أن شاء الله )
# صلاه العشاء والتراويح 🛐
- هنبدا ننضف مكان الافطار وهنبدا الاعداد لصلاه العشاء والتراويح أن شاء الله
# نايت هايك :
- بعد الانتهاء من صلاه العشاء والتراويح وهيكون في حدود الساعه ٩ 🕘 هنريح شويه ونبدا النايت هايك الساعه ٩:٣٠ 🕤
- وهيكون هايك خفيف في حدود ٤-٦ ك أن شاء الله 🚶
# صلاه القيام 🛐
- هنرجع من النايت هايك وهنبدا في صلاه القيام علي الساعه ١٢:٣٠ 🕛
# السحور
- الساعه ٢ 🕑 هنبدا في تحضير السحور وتناول السحور والتحضير لصلاه الفجر
# العوده
- هنبدا بعد صلاه الفجر 🛐 في الاستراحه قليلا بعد يوم دسم ونبدا رحله العوده في تمام الساعه ٧ صباحا 🕖 أن شاء الله
# تفاصيل هامه :
- إحضار بطاقه الرقم القومي أو أي اثبات شخصيه ولن يسمح بالاشتراك بدونهم
- لن يسمح بمرور أحد من البوابه الخاصه بالمحميه بعد الموعد المحدد للدخول الادمنز
- لن يسمح بدخول ومشاركه اي فرد بدون الحجز مسبق
- مكان التخيم هيكون الكيلو ٣:٣٠
- بالإمكان دخول اي سياره اي كان نوعها لمكان التخييم
- تجيب كميه كافيه من المياه تكفي فطارك وسحورك واستخدامك الشخصي
- التكلفه 100 ثمن تذكره دخول المحميه هتدفع علي شباك التذاكر + 30ج الاخشاب
- هتيجب معاك اي حاجه تتفرش علي الارض سواء ملايه أو سجاده صلاه علي الاقل
- الجو هيكون خريفي ومعتدل بس هنحتاج علي الاقل يكون معانا سويت شيرت أو جاكيت عشان لسعه البرد بتاعه بالليل
اخيرا للحجز والاستعلام عن أي تفاصيل بالإمكان التواصل مع رقم من الارقام التاليه الخاصه بالادمنز :
Mohamed Gamal :
01018500323
Abdo Gamil :
01029554394
Abd el rahman rafaat :
01121512435
Mahmoud Sabra :
01055272533
Advertisement
Event Venue
Wadi Degla Protectorates, محمية وادي دجله,Cairo, Egypt
Tickets
Concerts, fests, parties, meetups - all the happenings, one place.
