Name: Концерт на KULTUR SHOCK во МКЦ
Start: 2026-04-15T20:30:00+02:00
Location: Кеј Димитар Влахов 15, 1125 Skopje, North Macedonia

$\u041a\u043e\u043d\u0446\u0435\u0440\u0442 \u043d\u0430 KULTUR SHOCK \u0432\u043e \u041c\u041a\u0426$

KULTUR SHOCK – LIVE IN SKOPJE
На 15.04.2026, нашиот омилен џипси-панк-метал колектив Kultur Shock доаѓа дома - во МКЦ Скопје!
Се гледаме на добропозната експлозивна мешавина од балкански ритми, панк енергија и метал жестина!
📍 Локација: МКЦ Скопје
🕣 Почеток: 20:30
🎟 Билети: https://tix.mk/event/134/kultur-shock
Кога пејачот Џино Срѓан Јевдјевиќ во средината на 90-тите го напушти од војна разурнатото Сараево и се пресели во Сиетл, со себе понесе две нешта – својот огромен вокален и авторски талент и незапирливата амбиција за создавање. Малкумина тогаш можеа да претпостават дека, по основањето на Kultur Shock во 1996 година, тој не само што ќе стане движечката сила на еден од највлијателните жанровски неконвенционални бендови во последните децении, туку и де факто „дедо“ на движењето што денес често се нарекува gipsy punk.
Во следните 25 години, Kultur Shock тргнува на бескраен пат на експериментирање, мешајќи балкански фолклорни мелодии и необични ритми со топечки метал и адреналински панк рок. Нивната музика е лирска, провокативна, политичка и безобразна, но секогаш со длабока почит кон сопствените влијанија – правејќи го босанскиот севдах уште повеќе севдах, рокот уште повеќе рок, а gipsy-punk-metal токму она што е денес: вистински културен шок.
Со повеќе од 1000 концерти зад себе, најзначајните фестивалски настапи на Kultur Shock вклучуваат: Bumbershoot (САД), Victoria Folk (Канада), Sziget (Унгарија), Exit, Ritam Evrope, Arsenal (Србија), Esperanza (Белгија), Folk’n’Fusion (Германија), Iboga (Шпанија), Welcome to Tziganie (Франција), Arezzo Wave (Италија), Rock Otočec (Словенија), INmusic (Хрватска), Sarajevo Film Festival (БиХ), LakeFest (Црна Гора), Spirit of Burgas (Бугарија) и DFest (Македонија) и многу други, a се и чести гости во Скопје, особено во МКЦ.
30 години без компромис. Една вечер. Целосен шок.
Се гледаме на Kultur Shock!
#kultur #shock #live #in #skopje

Event Venue

Кеј Димитар Влахов 15, 1125 Skopje, North Macedonia, Улица Димитар Благоев 15, 1121 Скопје, Северна Македонија, Skopje, Macedonia, The Former Yugoslav Republic Of

Tickets