तितली : by Vyakhyaa (ft. Stuti Tiwary)

Ye kahani ek aisi ladki ki hai, jo titli ki tarah naazuk bhi hai aur buland hauslon se bhari bhi.

Woh toot’ti hai, bikhar’ti hai - par har baar naye rangon ke saath apne pankh phir se sajati hai.

Kabhi uske sapnon par bandish laga di jaati hai,

kabhi uski udaan par rok laga di jaati hai - par usne haar maanna kabhi nahi seekha.

Ye kahani uske pyaar ki hai,

jahaan woh toot kar bhi pyaar karna nahi chhodti.

Ye ummeed ki kahani hai,

jahaan andhere ke baad bhi woh roshni dhoond leti hai.

Aur ye dard ki kahani hai,

jahaan chot lagti hai, par woh us dard ko kavita bana deti hai.

Is kahani mein hasi bhi hogi, sachchai bhi,

thodi si shararat aur bahut si khamoshi bhi.

Ye kahani sirf us ladki ki nahi hai.

Ye kahani aapki hai, meri hai,

hum sab ki hai - jo toot kar bhi udna nahi bhoolte.

Event Venue

Mishty Studio, Ahmedabad , India

Concerts, fests, parties, meetups - all the happenings, one place.

Get App