Advertisement
يلا بينا على رحلة سانت كاترين والرحلة دي متنوعه شاملة كذا نوع سياحه.. والمفاجأة ان الجو هناك دلوقت افضل من القاهرة
وهي أقدس أماكن مصر 🙈 فيه روحانيات عظيمه جدا رحله كده مكس بين السياحه الترفيهيه والدينيه وتاريخية وسياحه السفاري والهايكنج ❤️ رحلة متنوعة فيها كل حاجة
الرحله في أقدس أماكن مصر واللي نزل عنها آيات كتير في القرآن وعاش فيه سيدنا موسي عليه السلام ..وكلم ربنا يعني صوت ربنا هنا في الوادي المقدس طوى
ومش بس كده ده الفندق اللي هنقعد فيه هيبقي في قلب الوادي المقدس طوي.. متخيلين انكوا هتقيموا لمده 3 أيام في مكان ربنا وصفه إنه مقدس!! يعني رحله هتغسلكوا من جوه 😅
بس الرحله احنا بتعملها بشكل مختلف مش زي أي حد وبرنامجها مميز جدا ومش تقليدي خالص بالعكس ده برنامج محدش بيعمله خالص 🙈☺️
برنامج الرحلة
التحرك يوم الأربع 17سبتمبر بليل متأخر (ليله 18 سبتمبر يعني) ان شاء الله نوصل الخميس الصبح18 سبتمبر
#اليوم_الأول الخميس 18 من سبتمبر..
قبل دخول كاترين بساعه في الطريق هنوصل وادي فيران اللي فيه دير مشهور أوي وهو دير السبع بنات اللي ليهم قصه مشهوره جدا في مصر وبسببهم اتسمي شوارع كتير بإسم شارع السبع بنات هنزور الدير وهنعرف قصته هناك لانه مكان أثري ديني هيعجبكوا جدا..
ملحوظة : ده هيكون على حسب الاتاحة والتواصل معهم واذا كان متاح نروحه
وبعدين نوصل الفندق نسكن ونرتاح ساعة
وبعدين هنزور الدير دير سانت كاترين ومعنا مرشد ثقافي ممتاز هيرشح لنا كل حاجة وهتكتشفوا حاجات كتير اول مرة تعرفوها والدير ساكنين جمبه على طول ..
هنزور الدير ونعرف قصته ونزور الشجره العليقه المباركه اللي كانت نور لسيدنا موسي.. وهنزور بير موسي
هنريح ساعتين
وبعدين نستعد لسفاري جامده جدا بين وديان كاترين وهو وادي الأربعين " بيحتاج تصاريح ومش على طول متاح " اللي اتفتح بعد غلقه لمدة عشر سنوات وهنشوف ال 12 عين بتوع سيدنا موسى وبيكون معانا دليل بدوي وبيجهز لنا غذاء خفيف مع شاي بدوي ونقعد قعدتنا الحلوة هناك مع مناظر رائعة وناخد صور مدهشة ،
"ملحوظة" الوصول لوادي الاربعين حوالي ساعة مشي وسط الطبيعة والوديان منخفضات ومرتفعات بسيطة لكن المشي في المتوسط ساعة "
ملحوظة : في حالة لم نتمكن من دخول وادي الاربعين باي سبب هنروح وادي غيره ووديان كاترين كثيرة
بعد كده بنرجع على الفندق بعد ما نعدي على وسط البلد في كاترين ونروح نشتري من السوبر ماركت اللي حابب ونشوف البلد ولما نوصل الفندق هيكون موعد العشا
ونقعد مع بعض شويه في الفندق وبعدين ندخل ننام كويس اوووي عشان ورانا يوم مهم جدااا تاني يوم ..
#اليوم_التاني الجمعه 19سبتمبر.
نصحى بدري ناخد فطارنا في الفندق
وبعدين هنتحرك علي مقام النبي هارون اللي كان بيتعبد فيه سيدنا هارون نزور المقام ونعرف قصته وبعدين نزور هيكل العجل الذهبي لبني إسرائيل اللي عبدوه لما سيدنا موسي طلع يجيبلهم الوصايا العشر 🥺ملحوظة هنروح له مشى هو يبعد عننا حوالي 500 متر فقط
وبعدها نستكشف الوادي المقدس
وبعدين نرجع عالفندق نرتاح كم ساعة والساعة 7 ناخد العشا بتاعنا ونقعد قاعدتنا الحلوة في كافتيريا الفندق وبعدين عالساعة 11 نتحرك على اهم مكان
وهو جبل موسي عشان نشوف أرووووع مكان لمشاهده الشروق في مصر.. نطلع الجبل ونحضر الشروق( طبعا طلوع الجبل للي حابب ويكون هيقدر يطلعه.. "
#اليوم_التالت السبت 20 سبتمبر..
وبعد ما ننزل من الجبل الصبح نرجع الفندق نفطر ونريح شويه وبعد الضهر نودع كاترين ونتحرك علي القاهره ❤️
⚠️سعر الرحله مميز جدااا ويشمل كل الرحله حرفيا بالاكل والسفاري والدليل والمرشد والمواصلات 🥰
⚠️ الرحله تعتبر غير مناسبه للأطفال أقل من 5 سنين ولا كبار سن فوق ال ٦٠ سنه
ملحوظة ؛ الاسعار شاملة كل حاجة من مواصلات ووجبات فطار وعشا وعدد ٣ دليل ومرشد ثقافي ..
الأسعار:-
2600الفرد في الغرفة الخماسية
2800الفرد في الغرفة الرباعية
3100 الفرد في الغرفة الثلاثية
3400 الفرد في الثنائية
3800 الغرفة السنجل
للحجز على فودافون كاش على رقم 01011708399 او انستا باي على رقم اخر
بيتم دفع 25% من قيمة المبلغ والباقي وقت الرحلة
سياسة الارجاع :
قبل الرحلة بشهر يسترد مبلغ الحجز بالكامل
قبل الرحلة من شهر الى اسبوعين نصف مبلغ الحجز
قبل الرحلة باسبوعين لا يسترد مبلغ الحجز
Advertisement
Event Venue & Nearby Stays
EGYPT CAIRO وCairo, Egypt, البريد المصري, القاهرة, القاهرة, مصر, Heliopolis, Egypt
