Advertisement
يا سادة يا مادة , الحاضر يعلم الغائب ,لمة مزيانة قاعدة تطيب على نار هادئة, و مرحبا بالناس الكل ❤️❤️
يقول القائل ، شكون المنظمين متع اللمة الكبيرة هاذي؟
ايا يا سيدي شد عندك ، بعد لقاء صار بين 8 مجموعات غنية عن التعريف من الوسط التونسي ، قرروا باش يخرجولنا مولود جديد سماوهولنا "حكاية غرام" .
النسخة الاولى "حكاية غرام 1.0" باش تكون نهار 8و9و 10 نوفمبر،
في الصحراء التونسية ، و يا زين الصحراء و بهجتها و ما اجمل رمالها ❤️ .
باش نعديوا 3 ايام مع بعظنا ، عائلة وحدة ، يد وحدة ، كلمة وحدة ، و برشا قلوب ♥️♥️
المكان باش يكون في مركز تخييم في دوز من ولاية قبلي ⛺
المركز فيه كل المرافق , و الي يحب عالبيوت موجود زادة.
الثمن : 150 دت بالنسبة للكامبينغ
البرنامج باش يكون كالتالي :
نقصدوا ربي على بكري من سوسة ، القيروان ، المنستير ، و المهدية
, نوصلوا لبلاصتنا فين باش نعديوا احلى 3 ايام و نخليوا احلى ذكريات 🎉🎊🩵
ننصبوا خيامنا كيما يطلبوا منا القادة، و تبدا الركشة و الشيخة .
حضرنالكم برشا العاب و مسابقات باش نلعبوهم بعد الفطور🎯🏸🃏🎲 ... و الي يحب يعمل دورة على الجمل ولا الكواد ، موجود بحذانا 🐪
ما ننساوش اليوقا الي باش نعملوها مع الغروب و مع الشروق زادا.
في اليل عندنا سهرية دلولة باش تكون متنوعة من قيتار و كاخون و دربوكة و دف و اورغ ... و معاها مسابقة تنافسية في الكراوكيه و وقتها فين باش توريونا مهارا🪘🥁🎹🎷🎺🎸🪇
شاخت العباد و مشينا رقدنا
الشمس قريب تطلع و الشبيبة تحب على طريح يوقا مع شروق الشمس ( اختياري)
الجماعة صبحوا راقدين بعد السهرية المزيانة و قاموا باش يصنفوا فطور الصباح و يركشوا لين يجي الوقت الي باش ننطلقوا فيه الى وسط المدينة دوز للقيام بالعمل الخيري الي قررناه و تو نقولوهولكم.
نكملوا نقضيوا ما نستحقوا من دوز و نرجعوا للسنتر فين باش نعملوا دورة تكوينية في الاسعافات الاولية و مبعدها نحضروا عشانا.
توة وقيت باش تبدأ الفرقة الموسيقية الي اخترناهالكم باش تعيشنا جو و شيخة و فن و هيجة تقعدلنا في البال 🥁🎷❤️📸🎺🎸♥️
شاخت الشبيبة و طاح الضو و وقيت نوم 😴
النهار الثالث طلع و الشباب مازال ما شبعش بالنوم خاتروا بايت يشطح و يغني
نحضروا فطور الصباح كالعادة و نركشوا مع القادة الي ماهمش باش يخليوكم تقلقوا ،
....
و كل مرة تو نذيدوا نهبطولكم شوية توضيحات ، غير ما تقلقوش و حضرولنا التشكيلة المزيانة♥️♥️♥️
لذا ما عليك كان تكلمنا و تريزرفي و تخلص بلاصتك على بكري 🎉📸♥️
📣 Possibilité de location de Matériels de camping
Advertisement
Event Venue & Nearby Stays
Boulevard 14 janvier, Sousse, Tunisie, Sousse , Tunisia
Tickets
