Advertisement
Ве покануваме на уникатна, искуствена дводневна работилница, водена од Јовче Крстески, психолог и Гешталт советник и Лара Ташковска, ликовен уметник.Работилницата ќе се одржи на 19-ти октомври, сабота од 18-20:30ч. и 20-ти октомври, недела од 11-13:30ч., 2024 година.
На работилницата најпрво ќе се изработи скица во молив, боици и маркери за потоа скицата да се финализира во готово дело во акрилна техника на платно. На крајот, учесниците добиваат сертификат за учество, а уметничките дела си ги земате со вас дома спремни да се закачат на ѕид.
ЗА РАБОТИЛНИЦАТА
„Раскажи ми со слика“ е искуствена работилница која на едноставен начин отвора прозорец за учесниците да ја запознаат убавината на експресивното уметничко изразување преку активно замислување.
Преку различни модалитети човекот лесно може да се нурне во непознати делови од себе, да ги истражува и подобро да ги разбере. Боите, облиците, приказните и движењата стануваат наши помошници, тие зборуваат наместо нас, дури и кога не користиме зборови. Оваа невербална и креативна форма на комуникација е основата на оваа работилница.
Преку вежби и примена на техники на експресивното изразување, учесниците ќе имаат можност да истражат проблем, да го разберат подлабоко и преку оваа практика да најдат креативни решенија на поинаков, помалку конвенционален начин.
Целта на работилницата е учесниците да насликаат ликовно дело кое ќе биде одраз на нивната фантазија.
Техниката на „активно замислување“ е проективна техника која служи за поттикнување на внатрешните процеси на личноста, на начин на кој тие добиваат поистакната визуелна форма. Со оваа техника, нарекувана уште и „водечка фантазија“ (анг. guided fantasy), она кое што се случува во личноста добива шанса да се трансформира во свесна ФИГУРА. Се останато во тој момент станува ПОЗАДИНА.
Работилницата е наменета за сите возрасти, без разлика на претходното искуство, знаење или уметнички вештини.
ОВАА РАБОТИЛНИЦА НЕ Е ЗАМЕНА ЗА ТЕРАПИЈА!
Цената е 1800 денари, сите материјали се вклучени во цената.
Можете да платите во готово на првиот ден или на сметка со број 300000004409074 Ателје Ларсон во Комерцијална банка.
Бројот на места е ограничен.
КОНТАКТ: 076 530-080 [email protected]
За учество пополнете ја оваа пријава
https://forms.gle/Mqn1WLQueR7MAFQr7
Advertisement
Event Venue & Nearby Stays
11-ти октомври 19, 2/1, Скопје, 1000 Skopje, Republic of Macedonia, Улица 11-ти Октомври 2, 1104 Скопје, Северна Македонија,Skopje, Macedonia, The Former Yugoslav Republic Of
