Name: Å nærme seg vondskapen – 22. juli på film og TV. Med Kjetil Lismoen og Asbjørn Grønstad
Start: 2025-10-16T19:00:00+02:00
End: 2025-10-16T20:00:00+02:00
Location: Østre Skostredet 5-7, 5017 Bergen, Norway

$\u00c5 n\u00e6rme seg vondskapen \u2013 22. juli p\u00e5 film og TV. Med Kjetil Lismoen og Asbj\u00f8rn Gr\u00f8nstad$

Samtale i samarbeid med BIFF
Det er produsert eit titalls dokumentarar, spelefilmar og seriar av høg kvalitet om terroren som råka Utøya og Regjeringskvartalet i Oslo 22. juli 2011. Desse skildringane er svært viktige tilskot til den nasjonale og internasjonale bearbeidinga av og samtalen om 22. juli. Men har norsk film klart den store utfordringa i å fortelje om og nærme seg vondskapen? Har dei bestått den avgjerande testen i å skildre terroren på Utøya 22. juli 2011?
Dette er eitt av fleire spørsmål Kjetil Lismoen stiller i boka Å gjenskape det ufattelige. Om 22. juli på film og tv. For: Korleis gjenskape 22. juli-terroren utan å redusere det til underhaldning, korleis gi ofra den plassen dei fortener og korleis forholde seg til terroristen, med filmens verkemiddel?
Møt Lismoen i samtale med med professor i visuell kultur ved UiB Asbjørn Grønstad om sider ved 22. juli-komplekset som frå før ikkje har vore avdekt og diskutert. Samtalen blir leia av filmkritikar i Klassekampen Guri Kulås.
130/60,– (stud./honnør).
Bilde: Generasjon Utøya (Motlys/Fenris), 22.JULY (Netflix), Rekonstruksjon Utøya (Henrik B. Ipsen / Vilda Bomben Film), Makta (NRK/Motlys), Utøya 22.juli (Paradox), 22.juli (NRK)