Advertisement
«ԱՐՎԵՍՏԸ՝ ՈՐՊԵՍ ԳՈՐԾԻՔ» Նոյեմբերի 9-ին՝ ժամը 18:00-ին, "Ani Grand Hotel"ում կկայանա կիթառահար- երգահան Տիգրան Ավետիսյանի «Սխալ երկիր» կոնցեպտուալ ալբոմի շնորհանդեսը։ Ալբոմում տեղ են գտել 10 հեղինակային ստեղծագործություններ, որոնք շնորհանդեսի օրը հնչելու են իրենց բնական հերթականությամբ և պատմելու են այն ամենի մասին, ինչը տեղի ունեցավ մեզ հետ վերջին տարիներին և ինչը մինչ օրս հանգիստ չի տալիս բազմահազար հայերի։
Ալբոմի նպատակն է համախմբել բոլոր այն մարդկանց, ովքեր պայքարում են ՀՀ գործող իշխանությունների դեմ և փորձում են ամեն գնով հասնել բաղձալի իշխանափոխությանը։ Ալբոմը նվիրվում է 2020-ից 2023 թվականների բոլոր պատերազմներում զոհված մեր հայրենակիցների հիշատակին։ Երգերի մեջ ցավն ու տառապանքը միախառնված են հույսին ու ապրելու, արարելու ձգտմանը։ «Սխալ երկիր» ալբոմը ստեղծվել է այն բանի համար, որ մենք վերջապես ուղղենք մեր մեջքը և ողբալու փոխարեն հետագայում նոր հաղթանակներ ու ձեռքբերումներ գրանցենք պատմության դասագրքերում։
Շնորհանդեսը տեղի կունենա ANI GRAND HOTEL-ի ՊԱՆՈՐԱՄԱ դահլիճում։ Մուտքը ազատ է։ Վաճառքում կլինեն ալբոմի երգերը՝ ներբեռնված կրիչների (ֆլեշկաներ) մեջ։ Միջոցառման աջակիցներն են«ՀայաՔվե» քաղաքացիական նախաձեռնությունը և "Ակն ընդ ական" վավերագրողների համայնքը։
Կհանդիպենք...
Advertisement
Event Venue & Nearby Stays
Ani Grand Hotel, Flatsinyerevan, Վարդանանց նրբանցք, Երեւան, Հայաստան,Yerevan, Armenia
