Name: Viðbrögð við ofbeldi frá sjónarhorni innflytjendakvenna
Start: 2025-11-05T12:00:00+00:00
End: 2025-11-05T13:00:00+00:00
Location: Háskólatorg, HT-103, Háskóli Íslands, Sæmundargata, Reykjavík

$Vi\u00f0br\u00f6g\u00f0 vi\u00f0 ofbeldi fr\u00e1 sj\u00f3narhorni innflytjendakvenna$

Kynja- og margbreytileikasjónarmið á Kvennaári: Viðbrögð við ofbeldi frá sjónarhorni innflytjendakvenna
Kynjafræði við Stjórnmálafræðideild, í samvinnu MARK – Miðstöð margbreytileika og kynjarannsókna, býður til fundaraðar um kynja- og margbreytileikasjónarmið á Kvennaári.
Í þetta sinn er sjónum beint að áherslum Kvennaárs um kynbundið ofbeldi og verða kynntar niðurstöður rannsóknar á félagslegum og kerfislægum innviðum til að bregðast við ofbeldi í nánum samböndum frá sjónarhorni kvenna með erlendan bakgrunn.
Fyrirlesari er Flora Tietgen, doktorsnemi og aðjúnkt við Menntavísindasvið Háskóla Íslands. Erindi Floru ber heitið: "Immigrant women and intimate partner violence: Rethinking social and institutional frameworks".
Í pallborði verða Linda Dröfn Gunnarsdóttir, framkvæmdastýra Kvennaathvarfs, og Najlaa Atallah, stjórnarkona WOMEN. Fundarstjóri verður Þorgerður Einarsdóttir, prófessor í kynjafræði.
Viðburðurinn fer fram á ensku.
Um fundaröðina:
Margt hefur áunnist í jafnréttismálum síðustu áratugi, og til að stuðla að framþróun er gagnlegt að skapa vettvang þar sem rannsakendur og hagaðilar, sem eru nú þegar að vinna gott verk á sviðinu, geta rýnt stöðuna og rætt helstu áskoranir. Kvennaár hefur sett fram kröfur sem má skipta upp í þrjár áherslur: vanmat á kvennastörfum og launajafnrétti; ólaunaða vinnu og umönnunarábyrgð; og kynbundið ofbeldi. Á hverjum fundi verður eitt áherslusvið tekið fyrir, með kynja- og margbreytileikasjónarmið í forgrunni.