Advertisement
Slik feirde dei jul der ingen skulle tru at nokon kunne bu- Oddgeir Bruaset, Tysvær senioruniversitetSist TV-mannen, forfattaren og foredragshaldaren Oddgeir Bruaset var i Tysværtunet, hausten 2022, fortalde han korleis det har gått med dei som lever der ingen skulle tru at nokon kunne bu, og kinosalen var stuvande full. Torsdag 14. november kjem han tilbake, og no er det jula som står i sentrum. «Eg er eit julemenneske», slår han fast. Han har skrive bok om juletreet og den 500 år lange historia det har bak seg. Han har skrive fleire bøker om julesongane våre, ettersom mange av dei mest kjende er blitt til på forunderleg vis. Ikkje minst står han bak ei bok som har fått tittelen Jul der ingen skulle tru at nokon kunne bu. Den handlar om julefeiring og juleskikkar på avsidesliggjande stader i fortid og notid, og ho er full av både rørande og fornøyelege historier. Det er den han først og fremst byggjer foredraget på. «Er folk som bur langt utanfor allfarvegen flinkare til å ta vare på dei gamle juletradisjonane, eller er utkantfolket også blitt moderne menneske som er meir opptekne av trendar enn tradisjonar?» spør han, og han gjev sjølv svaret.
I tillegg til det timelange foredraget viser han illustrerande bilete. Dessutan kan det bli ei spennande historie om ein julesong eller to. Ekstra stas synest han det vil vere om songane kan framførast av lokale songarar og musikarar.
Bruaset er ute på turné og skal halde eit trettitals foredrag rundt om i Sør-Noreg, og med ein fullsett kinosal friskt i minnet, ser han fram til å besøkje Tysværtunet på nytt. Etter foredraget blir det høve til å kjøpe bøker, gjerne med ei personleg helsing attåt.
Advertisement
Event Venue & Nearby Stays
Tysværtunet Kulturhus, Aksdalveien 157,Tysvær, Haugesund, Norway
Tickets