Advertisement
I februar i fjor stod Trøyst – Arne, Sanja og Jorunn – på scena på Vesle Kinn for aller første gong. Publikum tok dei varmt imot. No vender dei tilbake.Sidan sist har trioen vore på langsam kyrkjeturné, og både Undredal kyrkje og Eikefjord kyrkje har fått kjenne Trøyst på kroppen. Men no er det heimebane som gjeld igjen: Vesle Kinn ventar.
– Eg lovte jo i fjor at om alle billettane som blei lagt ut vart selt, så skulle vi spele på ny i februar neste år. Vi må stå for orda våre, seier vokalisten med eit glimt i auget.
Ein skal neppe vente at Trøyst har gjort helomvending det siste året. Det blir framleis triste songar til trøyst i den ofte mørke februarmånaden – men nokre nye låtar får publikum òg.
Er dei Florø sitt svar på Leonard Cohen? Balsam for sjela? Eller har dei blitt litt høge på seg sjølve etter alle godorda dei har fått i år?
Det får du vite om du kjem på konsert på Vesle Kinn i februar., og kanskje har dei med ei overrasking?
– I fjor hadde vi med oss ein gjest på ein duett. Eg har litt lyst til å gjere det denne gongen og, men vi har ikkje kome så langt at vi har planlagd kven eller kva song enno. Det får bli ei overrasking. Så har det vore eit helsikes gnål frå Jorunn si side om at eg må prøve å lage noko sjølv. Det har eg blankt avvist, men ein skal vel aldri si aldri. Kanskje ein skal gjere eit forsøk. Det blir i så fall ei stor overrasking, ikkje minst for meg, seier Hjorthen.
Hovuddelen av programmet blir nok likevel som sist, eit nøye utval av songar som ligg musikarane sitt hjarte nær. Med norske tekstar som handlar om livet og alt det der.
Dørene åpner 18.00
Konsertstart 19.00
Advertisement
Event Venue & Nearby Stays
Strandgata 28, 6905, Florø, Vestlandet, Strandgata 28, 6905 Florø, Norge, Førde, Norway
Tickets
Concerts, fests, parties, meetups - all the happenings, one place.
