Advertisement
Ål og Sprang har ein spesiell plass i hjarta til den norsk-vietnamesiske koreografen, kunstnaren og utøvaren Tony Trinh Tran. Etter residensopphald og gjestespel med kraftfull irsk steppdans i publikumsvinnaren "Brotherly", får me no koma inn under huden på Tony sjølv i soloframsyninga "Love Tenderly".Gjennom oppveksten som homofil gut i Noreg i ein katolsk familie med vietnamesisk bakgrunn, kjente han på ein konstant balansegang mellom idealet om ei verd der identitet ikkje lenger spelar nokon rolle, og røynda der ein heile tida må passe inn ein stad. Gjennom rørsle, lyd og lys blir dei kroppslege erfaringane synlege; begjær og arr frå fordommar og rasisme, og traumer akkumulert gjennom generasjonar - med kjenslemessige, psykologiske og sosiale konsekvensar.
Gradvis trer også historia om ei kraftfull frigjering fram, som gir oss høve til å sjå oss sjølve med nye auge: kven er eg?
Og viss eg er; kor mange?
Koreografi, utøvar og konsept: Tony Tran
Medskapande dansar i prosess: Benjamin Windborg Larsen
Dramaturg: Thomas Schaupp
Musikar: Espen Reinertsen
Scenografi og kostyme: Shiva Sherveh
Lys: Yasin Gyltepe
Ytre auge: Loan Ha, Linh Le
Kunstnarleg rådgjevar: Ngo Thanh Phuong
Kreativ produsent og videograf: Andreas Daugstad Leonardsen
Co-produksjon: Sprang, BIT Teatergarasjen, Kloden Teater
Støtta av: Kulturrådet, FLB, Nordisk Kulturfond, Nordisk Kulturkontakt, Scenekunstbruket, Den norske ambassaden i Danmark, Buskerud Fylkeskommune.
Urpremiere 25. oktober 2025 på Suialaa Arts Festival, Grønland
Advertisement
Event Venue & Nearby Stays
Ål kulturhus, Myren 40,Ål, Hønefoss, Norway
Tickets
