Advertisement
Terji Rasmussen á serliga konsertferð til várs.Ein av okkara fólkakærastu sangarum og sangskrivarum seinastu mongu ártíggjuni, Terji Rasmussen, hevur – nú vit skriva 2025 – savnað sínar soldátar og bjóðar Føroya fólki á konsert. Tríggjar konsertir eru á skránni, og tær vera í Varpinum í Klaksvík, Salt á Tvøroyari umframt OY í Havn. Og forkunnugt verður tað, tí Terji og hansara manning fara umframt at spæla løg frá hansara longu virkisleið úr farnu øld, eisini at spæla løgini, ið eru úkomin í 20’unum.
Tað er ikki ofta vit hava hoyrt Terja við orkestrið spæla undir egnum navnið. Tí kunnu vit vænta okkum eina breiða viftu av sangum umboðandi eitt heilt ættarlið. Flestu okkara munnu kenna Reynafrensin í Føstufressa høpi, saman við Frændum, Moirae og eisini saman við Eyðun Nolsøe og Kim Hansen.
Terji hevur seinnu mongu árini verið maðurin aftan fyri konsertstaðið Maggies í Nólsoy. Samstundis hevur hann havt eitt studio, har fleiri útgávur eru gjørdar; teirra millum hansara egnu sangir.
Í 2020’unum hevur Terji útgivið løgini “So sigst”, “Bla bla bla”, “Marianna” og “Minnini mynna meg”, sum øll hava verið nógv spæld í útvarpi og á sosialum miðlum. Terji er somuleiðis aktuellur við nýggjum lagið, ið kallast “Ophelia”. Júst somu tónleikarar, sum hava spælt við á hesum seinastu sangunum hjá Terja verða eisini við honum á konsertferðini. Og her er talan um nakrar av okkara royndastu og fremstu tónleikarum. Umframt Terja, sum syngur og spælir guitar, verður Josva Debes við á trummum, Jóhannus á Rógvu Joensen á bassinum, Kim Hansen á klaverinum, og Fríði Bjørgvin – sonur Terja – á elektriska guitarinum. Ljóðinum stendur Jónas Bloch Danielsen fyri.
Omaná nýggju sangirnar frá hesum ártígginum, lovar Terji at framføra sangir heilt frá byrjanini av 80’unum fram til dagin í dag.
Køkurin í OY er opin 11.30 - 20.00.
OY, leygarkvøldið 7. juni kl. 21.00.
Atgongumerki kosta 200 kr og kunnu keypast her.
Advertisement
Event Venue & Nearby Stays
Falkavegur 4, 100, Falkavegur 4, FO-100 Tórshavn, Føroyar,Tórshavn, Faroe Islands
Tickets
