Hér fléttast saman mögnuð kammerverk frá ólíkum heimum í flutningi píanókvartettsins Neglu en hann skipa fjórar ungar tónlistarkonur í fremstu röð; Sólveig Steinþórsdóttir, fiðla, Anna Elísabet Sigurðardóttir, víóla, Hrafnhildur Marta Guðmundsdóttir, selló og Þóra Kristín Gunnarsdóttir á píanó.Píanókvartettinn Negla hefur starfað saman í tæp tvo ár og hefur á þeim tíma vakið athygli fyrir metnaðarfulla tónleika og flutning í hæsta gæðaflokki. Eitt af markmiðum kvartettsins er að stefna saman sjaldheyrðum kammerverkum við þekkt stórvirki klassískrar tónlistar líkt og raunin er hér.
Píanókvartett nr. 1 í D-dúr (1875) eftir tékkneska tónskáldið Antonín Dvořák er tvímælalaust þekktasta verk þessara tónleika, verk fullt af unaðslegum laglínum og dramatískum andstæðum þar sem glöggt má heyra hvernig tónskáldið lætur innblásast af þjóðlagatónlist heimalandsins. Enska tónskáldið Frank Bridge samdi Fantasíu fyrir píanókvartett árið 1910, en verkið, sem ólgar af ljóðrænni fegurð og magnþrungnum stefjum, er í sex stuttum þáttum sem saman mynda eina heild.
Dark Rosaleen (2000) eftir bandaríska tónskáldið Lee Hoiby er innblásið af þekktasta ljóð írska skáldsins James Clarence Mangan þar sem Rósalín hin dökka birtist sem táknmynd fyrir heimalandið. Skáldið James Joyce var einn margra til að heillast af ljóði Mangan og samdi meira að segja við það lítinn lagstúf sem Hoiby nýtir sér í tjáningarríkri og litskrúðugri rapsódíu sinni en verkið ber undirtitilinn Rapsódía um stef eftir James Joyce.
Efnisskrá
Frank Bridge (1879 – 1941)
Fantasía fyrir píanókvartett
Lee Hoiby (1926 – 2011)
Dark Rosaleen (2000)
Antonín Dvořák (1841 – 1904)
Píanókvartett nr. 1 í D-dúr
Á undan tónleikunum, klukkan 13:00, verður boðið upp á lifandi tónleikaspjall í fordyri Salarins.
Lista- og menningarráð styrkir tónleikaröðina Tíbrá.
---
Tíbrá 2024 - 2025
Sunnudaginn 29. september kl. 13:30
Garún, Garún
John Speight heiðraður
Sunnudaginn 27. október kl. 13:30
Þorpið sefur
Hildigunnur Einarsdóttir &
Guðrún Dalía Salómonsdóttir
Sunnudaginn 30. nóvember kl. 13:30
Óvænt svörun
Cauda Collective
Sunnudaginn 26. janúar kl. 13:30
Ég heyri þig hugsa
Skúli Sverrisson, Ólöf Arnalds & Davíð Þór
Sunnudaginn 23. febrúar kl. 13:30
Tímans kviða
Píanókvartettinn Negla
Sunnudaginn 30. mars kl. 13:30
Í draumheimum
Ragnheiður Ingunn Jóhannsdóttir og Eva Þyri Hilmarsdóttir
Sunnudaginn 27. apríl kl. 13:30
Mánasilfur
Björg Brjánsdóttir, Hrafnhildur Marta Guðmundsdóttir og Richard Schwennicke
Sunnudaginn 18. maí kl. 13:30
Vistarverur
KIMI tríó
Event Venue
Salurinn Tónlistarhús, Hamraborg 6, 200 Kópavogsbær, Ísland,Kópavogur, Kopavogur, Iceland
Tickets
