Advertisement
Gitarist Steinar Karlsen er kanskje mest kjend frå Good Time Charlie, men debuterte med sitt første soloalbum i 2011. Han har sidan då hausta åtgaum for sin instrumentalmusikk. Det amerikanske magasinet Vintage Guitar har omtala gitaristen som: "assuredly one of the brightest lights in the world of instrumentals".Karlsen lanserte hausten 2024 sitt åttande soloalbum "Doggerland", som er eit musikkverk om dette landet som ein gang låg der nordsjøen ligg i dag. Albumet markerar ei spanande utforsking av nye musikalske verkemiddel, der Karlsen saman med Kåre Opheim (trommer) og Morten Skage (bass), tek i bruk improvisasjon og skapar unike komposisjonar. Akkurat som god filmmusikk, manar låtane fram bilete av det mystiske Doggerland. I det blåe mørkeret finst også lyse stemningar, malt med gitaren som pensel. Med hint til blues og jazz, folkemusikk og rock, skaper Karlsen sin særeigne musikalske palett.
Den gode melodien står i sentrum når artisten frå Sunnfjord formidlar instrumentalmusikk. Saman med Morten Skage og Kåre Opheim framfører Karlsen sjølvskrivne komposisjonar frå både “Doggerland” og tidlegare album.
Ynskjer du å bli meir kjend med artisten før konserten, er alle Steinar Karlsen sine album tilgjengeleg på Spotify og andre straumetenester.
Gjer deg klar for ei musikalsk reise inn i Karlsens stemningsfulle univers.
Konserten er støtta av Sogn og Fjordane musikkfond/Brak
Billettar vert lagt ut 2. juli. Cc 250,-+avgift
Steinar Karlsen: gitar og steelgitar
Morten Skage: bass
Kåre Opheim: trommer
___________________________________________________________________
Omtale:
Doggerland(2024)
"Engasjerende låter som har klare filmmusikk-kvaliteter."
- Audun Vinger, Jazznytt
Transitt (2023)
“Melodisk og harmonisk elegant. ... Steinar Karlsen fortener eit større publikum».
- Lars Mossefinn, saltpeanuts.eu
Destination Venus (2020)
«Beautifully recorded and a most rewarding listen. Highly recommended.»
- Alan Taylor, Pipeline (UK)
Tur (2015)
«One of the best instrumental releases of the year.»
- Pete Prown, Vintage Guitar (US)
Hanens Død (2013)
“Eit soundtrack for ein westernfilm som ikkje er laga enno”
- Øyvind Pharo, Dag og tid
Ulydium (2011)
«Steinar Karlsen leverer en knallgod søknad om medlemskap i en
forening som har folk som Danny Gatton, Link Wray, Dick Dale, Duane Eddy, Steve Morse og The Ventures som framskutte medlemmer.»
– Øyvind Rønning, Dagbladet
Advertisement
Event Venue & Nearby Stays
Kapellankåken, Ullestadvegen 10,Voss, Norway
Tickets
