Name: Sound of Silence
Start: 2025-02-28T20:00:00+00:00
Location: Aulan í Finsen

Fríggjakvøldið, 28. februar nú komandi, fer íslendska yrkiskórið Kamarkór Norðurlands at hava konsert í Auluni á Finsen. Á skránni verða vald og innihaldsrík verk eftir amerikonskum tónaskøldum og óneyðugt er at siga, at áhoyrararnir fáa at hoyra framúr sungin valaverk. Nøkur teirra hava helst sjáldan ella ongantið áður verið
sungin í Føroyum.
Kamarkór Norðurlands var stovnað av útbúnum tónlistarfólki har norðuri í Íslandi fyri yvir 25 árum síðani og hevur í starvstíð sínari hildið konsertir á høgum støði fyri øllum fólkinum. Til dømis hevur kórið tikið lut í ymiskum verkevnum, sum t.d. Sinfóníuhljómsveit Norðurlands (SinfoniaNord). Eisini hevur kórið luttikið á
sanghátíðum, m.a. sang kórið á setanarkonsertinini Nordklang 2022 í Hørpu (Reykjavík)og seinast luttók kórið, tá amerikanska tónaskaldið Eric Whitacre vitjaði Ísland heystið 2023. Endakonsertin á hátíðini var hildin í Hørpu, har Kamarkór Norðurlands sang undir leiðslu hansara og øðrum úrvaldum kórum.
Guðmundur Óli Gunnarsson, sum er leiðaria av kórinum, er kendur fyri stórfingnu verkevni síni og glæsiligu og fjølbroyttu yrkisleið sína innan klassiska íslendska tónlistarpallin. Yrkisleið hansara toyggir seg eisini útum landoddarnar við verkevnum sum vinnustovur á Nordklang kórhátíðini.
Dámar tær kórsang, mást tú fáa hesa konsertina við. Hevur tú kórsang í hjartanum, so mást tú uppliva hesa konsertina. Er slík klassisk konsert nýtt økið hjá tær, men tær leingist at uppliva okkurt nýtt, ja, so er hendan konsertin fyri teg.
https://www.torsgota.fo/tiltok/kammerkor-nordurlands