Name: Se det for deg – med Janove // Ål kulturhus
Start: 2026-02-18T19:00:00+01:00
Location: Ål kulturhus

$Se det for deg \u2013 med Janove \/\/ \u00c5l kulturhus$

Ein kveld om å følgje draumar, sleppe tak i perfeksjonismen, setje seg hårete mål, og nokre gonger faktisk nå dei.
Eg har vore artist i 25 år. Det har tatt meg mange stader: frå eventyret med Kaizers Orchestra og eit unikt fellesskap med publikum, til teater og film med «The Mute», og vidare til livet som soloartist, med meir ansvar, meir sårbarheit og fleire spørsmål til meg sjølv.
Ingenting av dette har kome lett, og aldri åleine. Bak kvart prosjekt ligg år med arbeid og tett samarbeid. Eg har lært at 90 prosent av jobben er førarbeid og planlegging. Sjølve konserten, låten eller albumet varar kun eit øyeblikk – det er vegen dit som er sjølve reisa. Det er der dei gode historiene oppstår.
Denne kvelden vil eg gje dykk eit innblikk i mi oppleving av det å vere artist, som kanskje ikkje er så annleis enn det å vere menneske. Det handlar mykje om kontrastar: å vere seg sjølv fullt ut, men alltid i relasjon med andre. Om sjølvtillit, men også tillit til andre. Om å stå i tøffe utfordringar, omfamne endring eller gå vidare i aksept – utan å gje opp. Me er alle på ei uendeleg reise.
«Alle store eventyr
begynner kun med ett skritt.
Reis deg opp å gå
det neste kan bli ditt.»
Vanlegvis møter me Janove på scena gjennom konsertar, der han deler historier mellom songane. Denne gongen blir formatet snudd på hovudet: han deler fyrst og fremst erfaringar frå opp- og nedturar gjennom 25 år som artist. Og ja – det ryktene seier at det også blir nokre innslag med både velkjende solo- og Kaizers Orchestra-låtar og mellom historiene.
Velkomen!

Før Janove kjem på scena får me stifte bekjentskap med duoen EDEL. Dette er ein soulduo frå Stavanger, beståande av Vera og Malin. Dei leverer sterke vokalharmoniar og intenst samspel, både som akustisk duo og med fullt band. I 2025 har dei turnert Noreg, gjeve ut debutalbumet “SAMBUCUS” og sleppt TikTok-hiten “Nakenbading” med Daniel Obede. Pressa omtalar dei som “for gode for små scener”, og anmeldarane trillar 5-arar og 6-arar.