Advertisement
Ein togtur frå Indre Arna til Bergen gjennom Ulriken tar i dag under 7 minutt, og hyppige avgangar og gode varme sete gjer det let og behageleg å reise til byen.Skulle ein frå Arna til byn før i tida var det ei dagsreise med båt, gjerne med ein stopp på skjenkestaden i Salhus, og overnatting på storsalen på Bondeheimen i Bergen. Eller over fjellet slik Gudrid Halvorsdatter Æse gjorde det ein gong: Først til stølen for å mjølke, så over Varegga og ned Våkendalen og til byen med mjølka, så heimatt samme vegen med ei halv tønne korn og ein grisunge.
Storbyen Bergen hadde bruk for forsyningar frå området rundt, og Arna var ei av dei bygdene som låg nærast byen. Byhandel var derfor viktig for folk i Arna. Men også i andre samanhengar hadde folk behov for å røre på seg. Ein skulle til kyrkje, i bryllup og gravferd og gjerne ein tur for å besøke slekt og vener.
Etter kvart vart kommunikasjonane lettare. Den første dampbåten kom på Sørfjorden i 1864, litt seinare kom Vossebanen gjennom Arna, og utover på 1900- talet vart vegane utbetra, og bilar og bussar gjorde sin entre.
Det er denne utviklinga eg vil belysa i foredraget.
Advertisement
Event Venue & Nearby Stays
Peter Jebsens veg 4, 5265 Ytre Arna, Norway, Peter Jebsens veg 4, 5265 Ytre Arna, Norge,Bergen, Hordaland, Norway
