Advertisement
سالانہ اجتماع کے تناظر میں:ہمارے اجتماعات کی نوعیت اور غرض:
ہمارے اجتماعات کی نوعیت اصطلاحی جلسوں سے بالکل مختلف ہے۔ جلسوں اور کانفرنسوں میں زیادہ تر تقریریں ہوتی ہیں، جلوس نکلتے ہیں نعرے بلند کیے جاتے ہیں لیکن اس نوعیت کی کوئی چیز یہاں نہ کبھی ہوئی نہ کبھی ہو گی۔ ہمارے ان اجتماعات کے انعقاد کی اصل غرض ہنگامہ آرائی نہیں ہے اور نہ توجہات عوام کو اپنی طرف کھینچا مقصود ہے بلکہ غرض صرف یہ ہے کہ ہم ایک دوسرے سے واقف ہوں، باہم قریب تر ہو جائیں، آپس میں تعاون کی سبیلیں نکالیں، صاحب امر ہم سے اور ہم صاحب امر سے شخصاً واقف ہوں اور اسے ہماری کی قوتوں اور صلاحیتوں کا ٹھیک ٹھیک اندازہ ہو تاکہ وہ ہم سے منظم کام لینے کی کوشش کرے، وقتاً فوقتاً ہم اپنا اور اپنے کام کاج کا جائزہ لیتے رہیں، اپنی خامیوں اور کو تاہیوں کو سمجھیں اور انہیں دور کرنے کی فکر کریں اور باہمی مشوروں سے اپنے کام کو آگے بڑھانے کی تدبیریں سوچیں، غرض ہمارے یہ اجتماعات اپنے اندر عملی روح رکھتے ہیں۔
اجتماعات میں حاضری کی اہمیت:
سالانہ اجتماع کے لیے دعوت عام دی گئی ہے اور اعلان کیا گیا ہے کہ زیادہ سے زیادہ ارکان شریک ہونے کی کوشش کریں،
اگر فی الواقع ہم جانیں کہ یہ اجتماع کیا معنی رکھتا ہے۔ اور جماعت کی پکار سے ہم پر کیا لازم آ جاتا ہے اور جو عہد ہم نے اب اپنے رب سے کیا ہے اس سے کیا ذمہ داریاں ہم پر عائد ہوتی ہیں تو ہم اپنے بڑے سے بڑے دنیوی فائدے اور سخت سے سخت مشغولیت کو بھی اجتماع کی حاضری پر ہرگز ترجیح نہ دیں۔ اگر بغیر کسی عذر معقول کے ہمارے معمولی کام، روز مرہ کے مشاغل، خانگی امور، دنیوی مفاد اس سے بڑھ کر اہمیت رکھتے ہیں کہ ہم جماعت کی پکار پر لبیک کہیں اور اسی بنا پر ہم غیر اولی الضرر ہونے کے باوجود بیٹھے رہیں یہ اس بات کا ثبوت ہے کہ ہمیں اس کام سے حقیقی دلچسپی و دل بستگی نہیں ہے۔ جب آج ہمارا یہ حال ہے تو کیا امید کی جا سکتی ہے کہ کل کوئی بڑی مہم سامنے ہو اور نظم ہمیں پکارے تو ہم اس کی پکار پر لبیک کہیں گے۔ نظام جماعت سے منسلک ہو جانے کے بعد آدمی کے لیے یہ ضروری ہو جاتا ہے کہ جماعت کی پکار سن کر دوڑ پڑے اور سارے کام چھوڑ دے۔ اس سے مستنی صرف وہ حالات ہیں جن میں خدا اور رسولصلی اللہ علیہ وسلم نے خود رخصت دی ہے، ان حالات کے سوا باقی تمام حالات میں جماعت کی شرکت کے لیے دوسری ہر مشغولیت سے قطع نظر کر لینا لازم ہے۔ جب تک ارکان جماعت میں یہ کیفیت پیدا نہ ہو گی، نظام جماعت بالکل بے جان رہےگا۔
ہمارا یہ خیال کر کے بیٹھ رہنا کہ اس وقت کوئی خاص کام نہیں ہے اجتماع کی کوئی حقیقی ضرورت نہیں ہے، اگر اس وقت شرکت نہ ہوئی تو کوئی نقصان نہ ہو گا در حقیقت ایک غلط خیال ہے۔ اگر اجتماع میں سرے سے کوئی کام نہ ہو بلکہ ہمیں صرف جمع ہو جانے کے لیے پکارا جائے تب بھی ہمیں ایک آواز پر جمع ہو جانا چاہئے کیونکہ اس ابتدائی مرحلہ میں یہی بجائے خود ایک اہم کام ہے کہ ہمارے اندر ایک آواز پر جمع ہو جانے کی استعداد پیدا ہو۔ آخر اس ڈسپلن کے بغیر ہم کون سا کام تنظیم اور تعاون کے ساتھ کر سکیں گے؟
Advertisement
Event Venue & Nearby Stays
6th Road, Satellite Town, Islamabad, Pakistan
Concerts, fests, parties, meetups - all the happenings, one place.
