Name: Open lesesirkel
Start: 2025-02-26T19:00:00+01:00
End: 2025-02-26T21:00:00+01:00
Location: Aukra bibliotek

Velkommen til Open lesesirkel i biblioteket.
Denne gongen snakkar vi om "Brødrene Eikemo" av Marit Eikemo.
Boka kan du låne på biblioteket.
Du treng ikkje kunne mykje om bøker og litteratur, det held at du har lese boka.
Fint om du melder deg på til biblioteket, eller trykker "Skal" på arrangementet.
Om boka:
"Det er lys i vindauget i tredje etasje i Berjaflotvegen 9. Der står Per Eikemo, 86 år gammal, og ser ut over Odda. Dette er ikkje hans tid, og det er ikkjelenger det Odda han kjenner. Men huset står, huset som far hans bygde, og som Per sjølv måtte overta som 14-åring da faren døydde. Her voks han opp, saman med dei fire brørne sine, den eine villare enn den andre. Dei har halde det gåande med husbygging, idrettslag, amerikareiser og maratonløp. Dei fire etasjane har alltid vore fulle av liv og prosjekt. No er det berre Per igjen i huset - og klokka som stadig tikkar og går.
Marit Eikemo, som sjølv voks opp i Berjaflotvegen 9, har skrive ei underhaldande og rørande forteljing om eit hus, ein familie og ein industristad. Boka er ein sørgjesong og ei kjærleikshistorie om alt som går tapt, om det som formar oss og om krafta som held oss i live."