Advertisement
Bli med på ei helg som gir ro i sjela, flyt i kroppen og påfyll av energi – midt i vikinghjartet av Nordfjord. På Sagastad får du lære grunnleggande Tai Chi og Qi Gong, to treningsformer som kombinerer mjuke rørsler, pust og merksemd for å styrke både kropp og sinn.Enten du er nysgjerrig, ønskjer ei rolegare tilnærming til trening, eller berre vil finne meir balanse i kvardagen, er dette eit kurs som passar for alle.
Kva er Tai Chi?
Tai Chi er ei av verdas mest populære treningsformer – og det er ikkje utan grunn. Gjennom langsame, spiralforma rørsler styrkjer du kjernemuskulatur, betrar balansen og skapar ei djupare kjensle av indre ro.
Rørslemønstera:
- tøyer og styrkjer musklar, sener og ledd
- støttar god kroppshaldning
- fremjar sirkulasjon og energi
- kombinerer pust og fokus slik at du blir meir til stades i eiga rørsle
Tai Chi og Qi Gong er skånsame og tilpassar seg kroppen din. Nokre få minutt kvar dag kan vere nok til at du kjenner meir overskot, klarare hovud og ein smidigare kropp. Dette gjer treningsformene spesielt gode for folk som ønskjer ei balansert, stressreduserande og jordnær treningsform i ein travel kvardag.
Ei helg med rørsle, ro og historie
Sagastad skapar ei heilt spesiell ramme rundt kurset – her møtest ro, tradisjon og levande historie. I løpet av helga får du ei oppleving som ikkje berre handlar om trening, men om å lande, puste og ta vare på deg sjølv i eit miljø som inviterer til nettopp det.
Program for helga
Fredag 16. januar
17:00–18:30 | Velkomst og foredrag: Kva er Tai Chi og Qi Gong?
Kobling til vikingane sin kampkunst Glima
19:00 | Middag for dei som ynskjer
Lørdag 17. januar
10:00–11:30 | Treningsøkt 1
11:45–13:15 | Treningsøkt 2
13:30 | Lunsj
15:00–16:30 | Treningsøkt 3
16:45–18:00 | Treningsøkt 4
19:00 | Middag for dei som ynskjer
Søndag 18. januar
08:30–09:30 | Treningsøkt 5
10:00–13:00 | Treningsøkt 6
13:30 | Lunsj og avslutning
Lunsj er inkludert i prisen. Middag kjem utanom.
Kvifor lære Tai Chi og Qi Gong?
Desse treningsformene passar for alle – unge som eldre, nybegynnarar eller dei som har prøvd litt før. Dei er lette å lære og svært fleksible, og gir ei rekkje fordelar:
Betre balanse og kroppskontroll – perfekt for deg som vil bevege deg tryggare og meir smidig.
Skånsam styrke – du byggjer kjernemuskulatur utan harde støt eller tunge løft.
Mental ro og kroppsleg medvit – pust og rørsle i samspel hjelper deg å dempe stress og finne fokus.
Auka energi og flyt i kroppen – mange opplever betre sirkulasjon og meir overskot.
Noko du kan ta med deg heim – enkle øvingar du kan bruke i kvardagen for å skape meir ro og balanse.
Om instruktøren
Brynjulf Haugan er grunnleggjar og leiar av Norsk Tai Chi Skole, samt ein lidenskapleg Tai Chi- og Qi Gong-utøvar som brenn for å dele denne kraftfulle treningsforma med nordmenn.
Interessa hans for orientalsk filosofi og kampsport byrja då han var 14 år, med karate – ein disiplin han praktiserte i 15 år. I 1994 blei han utdanna naturmedisinar ved Norsk Akademi for Naturmedisin, og seinare som akupunktør ved Norsk Akupunkturskole. Det var under studietida at fascinasjonen hans for Tai Chi voks fram.
Sidan den gong har Brynjulf studert under anerkjende meistrar verda over, blant dei Master Richard Huang (Huang Sheng Shyan Lineage), Master Lucia Ring-Watkins (16. generasjonsdisippel av Wudang Xuan Wu Clan), Sifu Mark Rasmus (Elastic Force Qi Gong) og Master Dennis Wang (Medical Qi Gong).
Sommaren 2024 lanserte han si første bok: Tai Chi – Vegen til styrke & indre fred, ei innføring i mjukleikens kraft som medisin for kropp og sjel. Han er òg forfattar av trilogien The Lost Viking Saga, som utforskar forsvinninga av den siste norrøne busetnaden på Grønland.
Sidan 2018 har Brynjulf utdanna 28 Tai Chi-instruktørar over heile Noreg, og held kurs for både nybegynnarar og vidarekomne i Bærum, Oslo, Moss og på Venabu. Han arrangerer òg faste Tai Chi-turar til Kypros, Tyrkia, Italia og Kreta.
Kort sagt: Ei kurshelg med Brynjulf er ei helg med kunnskap, varme, inspirasjon og ekte rørsleglede.
Praktisk informasjon
Kurset passar for alle – du treng ingen tidlegare erfaring.
Ta med komfortable, mjuke klede og innesko.
Alt undervisningsmateriell blir delt ut på kurset.
Pris for helgekurs kr 2990,-
Vil du starte det nye året med meir ro, styrke og balanse?
Overnatting
Treng du overnatting, ta kontakt med Nordfjord Hotell. Oppgi “Tai Chi Sagastad “for spesialpris for kursdeltakarar.
Advertisement
Event Venue & Nearby Stays
Sagastad, Sjøgata 41, 6770 Nordfjordeid, Sjøgata 36, 6770 Nordfjordeid, Norge, Sunndal, Norway
Tickets
Concerts, fests, parties, meetups - all the happenings, one place.
