Advertisement
Njål Sparbo – bassbarytonTorgeir Kinne Solsvik – piano
Program:
Songs of Travel – Ralph Vaughan Williams
10 songar med tekst av Arnulf Øverland – Geirr Tveitt
Ibsen-songane Op. 25 – Edvard Grieg
Njål Sparbo studerte song med Ingrid Bjoner og har deltatt i internasjonale meisterklassar, mellom anna med Dietrich Fischer-Dieskau og Galina Vishnevskaya.
Sidan debuten i 1991 har han vore ein av Noregs mest allsidige songarar, med eit omfattande repertoar.
Han har over 50 store oratorium på repertoaret og har sunge leiande roller i operaproduksjonar. Han har vore ein forkjempar for samtidsmusikk og har urframført verk av ei lang rekkje norske komponistar, inkludert 11 samtidsoperaer.
Sparbo har hatt opptredenar i over 20 europeiske land, og fleire turnear til Asia og USA, inkludert framføringar ved anerkjende konsertscenar i London, Köln, New York, Tokyo og Seoul.
Diskografien hans omfattar 34 utgjevingar, mellom anna CD-antologien Norwegian Songs, med 61 norske songar komponert mellom 1950 og 2022.
I Noreg har han halde over 160 romanseaftenar saman med leiande pianistar og hatt ei rekkje opptredenar i både radio og fjernsyn.
Etter ein konsertserie med samtlige av Edvard Grieg sine 172 songar vart han tildelt Griegprisen i 2009 for arbeidet sitt med å fornye den musikalske tolkingstradisjonen i Grieg sine songar.
Torgeir Kinne Solsvik er utdanna pianist, kammermusikar og akkompagnatør frå Griegakademiet i Bergen (cand.mag.) og Conservatorium of Music i Sydney (grad.dip.).
Den tidlege fordjupinga i musikken til Grieg og Tveitt resulterte i eit dobbeltalbum på Vestnorsk plateselskap i 2001 med Tveitt op. 150 50 folketonar frå Hardanger og Grieg op. 72 Slåttar.
Etter ein periode som distriktsmusikar i Nordland frå 2005–2007 har Kinne Solsvik hatt base i Hardanger og jobbar no som frilanspianist.
Han har eit allsidig musikalsk samarbeid med songarar og instrumentalistar der repertoaret spenner frå klassiske romansar til folkemusikk, filmmusikk, opera og operette.
The Sunday Times, Sri Lanka, skreiv i 2023:
“Torgeir Kinne Solsvik’s effortless piano playing was highlighted in his rendering of Norwegian composers’ pieces. Captivating!”
Kinne Solsvik har spela konsertar i Tyskland, Austerrike, Kroatia, Italia, USA, Australia, Latvia, Russland, Sri Lanka og Kina, og har ein diskografi på om lag 20 titlar.
Advertisement
Event Venue & Nearby Stays
Hardangerfjordvegen 626, 5610 Øystese, Norway, Hardangerfjordvegen 626, 5610 Øystese, Norge, Voss, Norway
Tickets
Concerts, fests, parties, meetups - all the happenings, one place.
