Name: Maria Lavik: Odelsskam – å gje slepp på ein gard etter femten generasjonar
Start: 2025-10-14T19:00:00+02:00
End: 2025-10-14T20:30:00+02:00
Location: Kongens gate 2, 7011 Trondheim, Norway

$Maria Lavik: Odelsskam \u2013 \u00e5 gje slepp p\u00e5 ein gard etter femten generasjonar$

I boka Odelsskam skildrar odelsjenta Maria Lavik oppveksten på eit småbruk på Vestlandet. Ho veks opp med sauesanking, store avstandar, bokbuss annankvar torsdag og historier om ei livskraftig og motkulturell slekt. Men alt som sekstenåring flyttar ho ut. Burde ho koma tilbake?
«I femten generasjonar før meg har mine forfedrar lempa stein og slite med jorda slik at dei som kom etter, skulle få eit betre liv. Skal det ta slutt med meg? For eg bur i byen og har bygd meg eit godt liv der.»
Odelsskam skildrar ein gard, ein plass og ein tilstand som held på å gleppa mellom hendene på forfattaren. Boka skildrar den evige reisa som mange utflyttarar er på, i stadig rørsle mellom bygda og byen, mellom «heim» og heim. Samanvoven med hennar historie er den særnorske, over tusen år gamle odelsretten. Lova som koplar jorda og slekta saman til ein nesten heilag symbiose. Odelsskam er ei nær og rørande historie om tradisjonar og endring.
I denne samtala møter vi Lavik sammen med forfattar Guri Sørumgård Botheim.
Maria Lavik er forfattar og journalist, oppvaksen i Eksingedalen og busett i Oslo. I 2021 gav ho ut sakprosaboka Vi, dei fattige: Åtte forteljingar om barnefattigdom, og i 2024 utkom hennar bok Odelsskam – å gje slepp på ein gard etter femten generasjonar.
Guri Sørumgård Botheim er forfattar, og debuterte med romanen Ramstein pensionat i 2009. Ho har seinare gitt ut Heime mellom istidene (2016) og Høgfjellsmeldinga. Ho arbeider som rådgjevar i Norsk Forfattersentrum.
Sted: Sellanraa
Fotokredit: Tove K. Breistein/Samlaget