Advertisement
နွေဦးတော်လှန်ရေးနဲ့အတူပေါက်ဖွားခဲတဲ့ မန်ချက်စတာဟင်းအိုးကြီးဟာ ယခု ၂၀၂၄ စက်တင်ဘာဆို ၃နှစ်သားတိုင်ခဲ့ပါပြီ။
၃ နှစ်သား ဟင်းအိုးကြီးကတော့ ယခုနှစ်မွေးနေ့မှာတော်လှန်မိသားစုများကို “မိသားစုထမင်းဝိုင်း” လေးနဲ့ ဧည့်ခံချင်ပါတယ်။
ကျွန်မတို့မြန်မာ့ဓလေ့ထုံးစံမှာ မိသားစုထမင်းဝိုင်းတို့သည် စည်းလုံးညီညွတ်ခြင်း၊ လက်ရည်တပြင်တည်းရှိခြင်း၊ နွေးထွေးချစ်ခင်ခြင်း၊ မျှဝေတတ်ခြင်းလို့ဆိုတဲ့ ဝိသေသများကိုဆောင်ပါတယ်။
ဒီလိုချစ်ခင်ဖွယ်ရာ အဓိပ္ပါယ်ဆောင်တဲ့ မြန်မာ့ဓလေ့ထမင်းဝိုင်းလေးကို သတိရရင်း၊ မိသားစုထမင်းဝိုင်းနဲ့ ဝေးကွာနေရသူများကိုလည်း မိသားစုထမင်းဝိုင်းတွေ လက်ဆုံအမြန်စားနိုင်ရပါစေ ဆန္ဒပြုရင်း ဟင်းအိုးကြီးမိသားစု ထမင်းဝိုင်းလေးကိုဖန်တီးရခြင်းဖြစ်ပါတယ်ရှင်။
🍛 အရသာပြည့်စုံတဲ့ အဓိကဟင်းလျာ၊ အရန်ဟင်းလျာမျိုးစုံကို တည်ခင်းပေးဖို့စီစဉ်ထားပါတယ်ရှင်။
🧁 ထမင်းဟင်းတွေစားပြီး အီ နေပြီဆိုရင် အချိုတည်းဖို့အချိုပွဲ၊ ကော်ဖီ၊ လက်ဖက်ရည်၊ အချိုရည်တို့လည်း အလျှံပယ် စီစဉ်ထားပေးမှာပါ။
🥗 ဒါတွေအပြင် မြန်မာတွေခံတွင်းလိုက်မယ့် အမယ်တမျိုးကိုလည်း ဒီဇိုင်းအသစ်လေးနဲ့ သေချာစီစဉ်ရောင်းချပေးမှာမို့ စပရိုက်စ်လေးတွေလည်းလာမယ်နော် 😊
🥡 ဒီလို ပွဲမှာစိတ်တိုင်းကျအားပေးပြီးရင် အိမ်ကိုပါဆယ်သယ်နိုင်ဖို့ pre-order & collection menu လေးလည်းကြိုတင်စီစဉ်ပေးဦးမှာပါ
ထူးခြားဆန်းသစ်တဲ့ တော်လှန်ဖျော်ဖြေရေးအစီအစဉ်တွေလည်း အပြည့်မို့ အစားစားရင်း ဖျော်ဖြေရေးတွေငေးမောရင်းနဲ့ အချိန်တွေဘယ်လိုကုန်သွားမှန်းတောင်သိလိုက်မှာမဟုတ်ပါဘူးနော် 😉
Advertisement
Event Venue & Nearby Stays
Flixton Girls' School, Urmston, Lancashire, United Kingdom, Sale
