Advertisement
LIVETS RYTMEKva gjer det med eit ungt sinn å kjenne på angst, press og uro, men ikkje klare å setje ord på det?”
I denne splitter nye danseframsyninga løftar lokale ungdommar fram korleis det er å vere ungdom i dag. Kjenslene går i bølgjedalar, ein kan vere glad den eine dagen og sint den neste, utan heilt å vite kvifor. Samstundes har skjermtida auka, medan den psykiske helsa har gått ned. Dette gjer ungdomstida i dagens samfunn ekstra krevjande.
Gjennom rørsle og uttrykk viser dansarane korleis angst, depresjon og stress påverkar, men òg korleis styrke, fellesskap og glede kan vakse fram.
Bli med på ei sterk og kjensleladd reise. Bli med gjennom Livets Rytme.
Billettpris:
Barn 5-15: 150
Vaksen: 200
Bakgrunn:
Livets Rytme er eit danseprosjekt som set søkjelys på det omlada temaet psykisk helse.
Gjennom dans kan ein uttrykkje, samt bearbeide dei vanskelege kjenslene som ord elles ikkje ville gjort. Dans er også ein måte å veretil stades i augneblinken på, noko som kan hjelpe med å redusere stress og bekymringar.
«Det å skape eit fellesskap mellom ungdommar med same interesse, og jobbe mot eit felles mål, er uvurderleg. Ein kan sleppe dei vonde tankane og få ein pause frå kvardagen. Dette var min måte å «overleve» ungdomstida mi på, og eg ønskjer å vidareformidle denne moglegheita til andre. Samstundes ønskjer eg å setje lys på den viktige tematikken psykisk helse, og på alternative metodar å kome seg gjennom tunge tider på. For nokon kan det kjennast nesten umogleg å setje ord på alt dei føler. Difor er det viktig å kunne få uttrykkje seg på sin eigen måte for å finne utløp for alt som elles tyngar, her gjennom dans.
Dette er driven bak prosjektet og korleis eg har laga danseframsyninga Livets Rytme.»
- Sofie Øren,
Koreograf og skapar av Livets Rytme
Advertisement
Event Venue & Nearby Stays
Årdal Kulturhus, Farnesvegen 3,Øvre Årdal, Stryn, Norway
Tickets
Concerts, fests, parties, meetups - all the happenings, one place.
