Name: Litterær samtale med Agnes Ravatn
Start: 2025-10-30T19:00:00+01:00
End: 2025-10-30T20:00:00+01:00
Location: Østre Skostredet 5-7, 5017 Bergen, Norway

$Litter\u00e6r samtale med Agnes Ravatn$

Med Agnes Ravatn og Christian Kjelstrup
Agnes Ravatn har markert seg som ein skarp samtidsanalytikar, både i essayistisk form og i romanar. Romanane hennar, som Fugletribunalet (2013), Dei sju dørene (2019) og Gjestene (2022), kan skildrast som intense kammerspel, der eit menneske, eit par eller ein familie står på randa av kollaps. No er ho aktuell med romanen Doggerland – der det knakar i reiserverket i eit forlag som har eksistert i generasjonar. Matriark og forleggar Myrna Høst nærmar seg pensjonsalder, og dei to barna hennar, den litterært anlagde Filip og den økonomisk orienterte Henny, posisjonerer seg begge for å ta over. Då eit ukjent manuskript brått dukkar opp, spissar ein gryande familiekonflikt seg til.
Møt Ravatn i samtale med Christian Kjelstrup om korleis makt, arv og løgner speler seg ut i ei tid der litteraturen sin eksistens er truga.
Det blir boksal og signering etter arrangementet.
130/60,– (stud./honnør).
Foto: Line Omland Eilevstjønn/ Samlaget