Name: Litteraturavisa BLA til Bergen: om kjendisar, bokhausten og med opplesingar
Start: 2025-08-26T19:00:00+02:00
End: 2025-08-26T21:00:00+02:00
Location: Østre Skostredet 5-7, 5017 Bergen, Norway

Litteraturavisa BLA til Bergen: om kjendisar, bokhausten og med opplesingar

Relansering av BLA-podden med Eilif Guldvog Hartvedt og William Sørensen Mørch, debatt om kjendisar og opplesingar
Då Jon Fosse vann Nobelprisen i litteratur, markerte det sjølve kroninga av ein ny gullalder for norsk litteratur. Men kva er det eigentleg som har skapt denne massive suksessen? Kva er dei store stjernene avhengige av for å skinne klart, og kva mistar vi om vi gløymer underskogen av mindre glamorøse forfattarar?
I samarbeid med Litteraturhuset i Bergen og Norsk Forfattersentrum Vestlandet inviterer Litteraturavisa BLA med redaktørar Eilif Guldvog Hartvedt Og William Sørensen Mørch til relansering av BLA-podden i Bergen for å snakke om kollektive motkulturelle krefter og litterære miljø i dag og i fortida. Gjestar er poet og historikar Fredrik Hagen og Helle Linderud frå det skandinaviske tekstfellesskapet SKROT.
Bokhausten er altså i gang og Norsk Forfattersentrum Vestlandet relanserer på si side serien Kort og godt, der Cecilie Løveid, Gunnar Staalesen og Pedro Carmona-Alvarez les eigne tekstar. Og så blir det fest i LITT Colonialen, kom kom!
130/60,– (stud./honnør).