Advertisement
Komið og njótið með okkur að hlusta á upplestur með Guðrúnu Evu Mínervudóttur. Guðrún Eva er fædd í Reykjavík árið 1976 en alin upp víðs vegar um landið, meðal annars í Mosfellssveit, á Kirkjubæjarklaustri og í Garði í Gerðahreppi. Hún lauk stúdentsprófi frá Menntaskólanum við Hamrahlíð árið 1996 en útskrifaðist árið 2007 frá Háskóla Íslands með BA í heimspeki. Guðrún Eva hefur fjórum sinnum verið tilnefnd til Íslensku bókmenntaverðlaunanna og fékk þau árið 2011 fyrir skáldsöguna Allt með kossi vekur. Hún hefur þrisvar verið tilnefnd til Menningarverðlauna DV og fengið þau tvisvar; árið 2005 fyrir Yosoy og árið 2014 fyrir Englaryk. Einnig hlaut hún Fjöruverðlaunin í byrjun árs 2019 fyrir smásagnasafnið Ástin Texas. Árið 2021 var hún tilnefnd til Norrænu bókmenntaverðlaunanna fyrir skáldsöguna Aðferðir til að lifa af. Hún hefur einnig hlotið viðurkenningu RÚV fyrir ritstörf og Bókmenntaverðlaun bóksala fyrir skáldsöguna Í skugga trjánna. Meðfram sagnaritun er Guðrún Eva í hlutastarfi sem ritlistarkennari við Listaháskóla Íslands.
Útgefnar bækur:
Á meðan hann horfir á þig ertu María mey, smásögur, 1998
Ljúlí ljúlí, skáldsaga, 1999
Fyrirlestur um hamingjuna, skáldsaga, 2000
Albúm, örsögur, 2002
Sagan af sjóreknu píanóunum, skáldsaga, 2002
Yosoy, skáldsaga, 2005
Skaparinn, skáldsaga, 2008
Allt með kossi vekur, skáldsaga, 2011
Englaryk, skáldsaga, 2014
Skegg Raspútíns, skáldsaga, 2016
Ástin Texas, sögur, 2018
Aðferðir til að lifa af, skáldsaga, 2019
Útsýni, skáldsaga, 2022
Í skugga trjánna, skáldsaga, 2024
Advertisement
Event Venue & Nearby Stays
Austurmörk 21, 810 Hveragerði, Iceland, Austurmörk 21, 810 Hveragerðisbær, Ísland,Hveragerdi, Selfoss, Iceland
