Advertisement
Denne kveldseta kjem durspelarane Sindre Fotland og Kristoffer Kleiveland. Desse to har begge utmerka seg med spel på toppnivå gjennom mange år som utøvarar på folkemusikkfeltet. Dei har vakse opp saman på Kleiveland ved Haugo, og har spelt saman i det vitale durspelmiljøet på Osterøy gjennom barndom, ungdom, i studietida ved Ole Bull Akademiet på Voss og elles i mange andre samanhengar. Sindre er i dag leiar i Osterøy spel- og dansarlag, eit verv han overtok etter Kristoffer, som hadde hatt det i fleire år. Dette er to dedikerte folkemusikarar, og me er svært glade for at dei deler musikken sin med oss denne kveldseta. Velkomne!
Om hendinga:
Kveldsete er ein nyoppstarta intimkonsertserie med Osterøy spel- og dansarlag i samarbeid med Osterøy museum.
Nemninga “kveldsete” stammar frå eldre tider og vart brukt om tida ein sat oppe frå mørket kom og fram til leggjetid. I dette tidsrommet var det ofte at ein delte musikk og forteljingar med kvarandre. Osterøy spel- og dansarlag ynskjer å utnytta potensialet som ligg i kveldsetetradisjonen og etablera ein eigen serie med intimkonsertar, der utøvarar frå det lokale folkemusikkmiljøet står for innhaldet i solo- og samspel. Tidsramma vil vera omlag ein times konsert og alt føregår akustisk, tett på publikum.
Konserten går føre seg i Revheimsstova. Det er avgrensa med plass, så det er lurt å sikra seg billett på førehand.
Billettar: Sjå lenke til Osterøy museum sitt billettsystem. (Ved vanskar med nettbestilling, kan ein ta kontakt på tlf. 99296732 til Ingvild Kleiveland Vevle.)
Dørene opnar 18.30
Advertisement
Event Venue & Nearby Stays
Osterøy museum, Bergen, Norway
Tickets
